ಕನ್ನಡದಲ್ಲಿ ಟಿ.ವಿ. ವಾಹಿನಿಗಳ ಭರಾಟೆ:

ಮನರಂಜನೆ ವಿಭಾಗ - ಚಂದನ, ಉದಯ ಟಿ.ವಿ., ಈ ಟಿ.ವಿ, ಜೀ ಕನ್ನಡ, ಕಸ್ತೂ ರಿ,  ಸುವರ್ಣ,  ( ೬ ವಾಹಿನಿಗಳು-) ವಾರ್ತಾ ವಿಭಾಗ - ಟಿ.ವಿ.-೯,  ಸುವರ್ಣ ೨೪ X ೭, ಜನಶ್ರೀ, ಕಸ್ತೂರಿ ನ್ಯೂಸ್, ಉದಯ ವಾರ್ತೆಗಳು, ಸಮಯ, ಪಬ್ಲಿಕ್ ಟಿ.ವಿ. (೭ ವಾಹಿನಿಗಳು-) ಸಂಗೀತ ವಿಭಾಗ - ಉದಯ ಮ್ಯೂಸಿಕ್, ರಾಜ್ ಮ್ಯೂಸಿಕ್ ಕನ್ನಡ (೨) , ಕಾಮಿಡಿ ವಿಭಾಗ - ಉದಯ ಕಾಮಿಡಿ (೧) ಮಕ್ಕಳ ವಿಭಾಗ - ಚಿಂಟು ಟಿ.ವಿ. (೧) ಚಲನಚಿತ್ರಗಳ ವಿಭಾಗ - ಉದಯ ಮೂವೀಸ್, ಐ.ಪಿ.ಟಿ.ವಿ ಕನ್ನಡ ಬೇಡಿಕೆಯಲ್ಲಿ ಮಾತ್ರ (೨) ಭಕ್ತಿ ವಿಭಾಗ - ಶ್ರೀ ಶಂಕರ (೧) ಹೀಗೆ ಸುಮಾರು ೨೦ ವಾಹಿನಿಗಳಿರುವ ಕನ್ನಡದಲ್ಲಿ ಜಾಹೀರಾತು ಮಾರುಕಟ್ಟೆ ಸುಮಾರು ೫೦೦ ಕೋಟಿ ರೂಪಾಯಿಗಳು. (ದಕ್ಷಿಣ ಭಾರತ ೨೭೦೦ ಕೋಟಿ, ಆಧಾರ FICCI-KPMG 2011 PINC Research)  ಈ ಎಲ್ಲಾ ವಾಹಿನಿಗಳು ಹೆಚ್ಚಿನ ಮಟ್ಟಿಗೆ ಮನರಂಜನೆ ಪ್ರಧಾನವಾದ ಕಾರ್ಯಕ್ರಮಗಳನ್ನು ಬಿತ್ತರಿಸುವುದು ಹೆಚ್ಚು. ಅದರಲ್ಲಿ ಚಲನಚಿತ್ರ, ಧಾರವಾಹಿಗಳು ಹೆಚ್ಚು ಸ್ಥಾನವನ್ನು ಆಕ್ರಮಿಸಿಕೊತ್ತವೆ. ಇನ್ನುಳಿದ ವಾರ್ತೆವಿಭಾಗದಲ್ಲಿ ರಾಜಕೀಯ, ಚಲನಚಿತ್ರಗಳ ಸಮಾಚಾರವಿರುವುದು ಹೆಚ್ಚು. ಇದರಲ್ಲಿ ನಾವು ಗಮನವಿರಿಸಬೇಕಾದ ಅಂಶವೆಂದರೆ ಈ ವಾಹಿನಿಗಳೆಲ್ಲರೂ ಕೇವಲ ಹಣ ಮಾಡುವ ಅಂಶಕ್ಕೇ ಹೆಚ್ಚು ಒತ್ತು ಕೊಡುತ್ತಾರೆಯೆ ಹೊರತು ನಮ್ಮ ಭಾಷೆ, ಸಂಸ್ಕೃತಿಯ ಬೆಗ್ಗೆ ಇವರಾರು ತಲೆ ಕೆಡಿಸಿಕೊಳ್ಳುವ ಹಾಗೆ ಕಾಣುವುದಿಲ್ಲ. ಈ ಟಿ.ವಿ ನಮ್ಮ ಕರ್ನಾಟಕದ ಸಂಸ್ಕುತಿ, ಭಾಷೆಯ ಬಗ್ಗೆ ಒಲವು ವ್ಯಕ್ತಪಡಿಸುತ್ತವೆ. ಇತ್ತೀಚಿನ ಟಿ.ಆರ್.ಪಿ ರೇಟಿಂಗ್ ನಲ್ಲಿ ಮನರಂಜನೆಯಲ್ಲಿ ಉದಯ (೫೧.೭೭) ಮೊದಲನೆಯ ಸ್ಥಾನದಲ್ಲಿದ್ದರೆ, ಸುವರ್ಣ ಎರಡನೆಯ ಸ್ಥಾನದೆಲ್ಲಿದೆ. ವಾರ್ತಾವಿಭಾಗದಲ್ಲಿ ಟಿ.ವಿ-೯ (೫೩.೬೨) ಮೊದಲನೆಯ ಸ್ಥಾನ, ಸುವರ್ಣ ೨೪ x 7 ಸುದ್ದಿವಾಹಿನಿ ಎರಡನೆಯ ಸ್ಥಾನದಲ್ಲಿದೆ. ನಮ್ಮ ದೇಶದ ಯಾವುದೇ ಭಾಷೆಯಲ್ಲಿಯೂ ವಾರ್ತಾವಾಹಿನಿಯೊಂದು ೫೩.೬೨ರ ಟಿ.ಆರ್.ಪಿ ರೇಟಿಂಗ್ ಇಲ್ಲ ಅದು ಟಿ.ವಿ.೯ಗೆ ಮಾತ್ರ ಇರುವಂತಹದ್ದು.
ಮುಂಬರುವ ಕನ್ನಡ ವಾಹಿನಿಗಳು - ರಾಜ್ ನ್ಯೂಸ್ ೧೪/೧/೦೯, ಜೀ ಕನ್ನಡ ವಾರ್ತೆಗಳು ೬/೬/೧೧, ಕಸ್ತೂರಿ ನ್ಯೂಸ್ ೨೧/೧೦/೧೦, ಈ ಟಿ.ವಿ ನ್ಯೂಸ್ ಕನ್ನಡ ೨೦/೧೧/೦೧, ಪರ್ಲ್ಸ್ ಕನ್ನಡ ೮/೧೧/೧೧ ಹೀಗೆ ಇನೂ ೫ ಹೊಸ ವಾಹಿನಿಗಳು ನೊಂದಾಯಿಸಲಾಗಿದೆ.
ಅಂತರ್ಜಾಲದಲ್ಲಿ ಉದಯ, ಸುವರ್ಣ, ಸ್ವಯಂಕೃಷಿ, ಸುವರ್ಣ ನ್ಯೂಸ್, ರಾಜ್ ಮ್ಯೂಸಿಕ್, ಜನಶ್ರೀ, ಟಿ.ವಿ.೯, ಸಮಯ, ಶ್ರೀ ಶಂಕರ, ಪುಬ್ಲಿಕ್ ಟಿ.ವಿ.ಗಳು ದೊರೆಯುತ್ತವೆ.
ಈ ವಾಹಿನಿಗಳಲ್ಲಿ ನಮ್ಮ ಕನ್ನಡಿಗರದ್ದು ಎಂದು ನಾವು ಹೆಮ್ಮೆಯಿಂದ ಹೇಳಬಹುದಾದದ್ದು ಕಸ್ತೂರಿ-ಕುಮಾರಸ್ವಾಮಿ, ಜನಶ್ರೀ-ಜನಾರ್ಧನರೆಡ್ಡಿ ಮತ್ತು ಶ್ರೀರಾಮುಲು, ಸಮಯ-ಮುರುಗೇಶ್ ನಿರಾಣಿ, ಸುವರ್ಣ ೨೪ x 7 ಸುದ್ದಿವಾಹಿನಿ-ರಾಜೀವ್ ಚಂದ್ರಶೇಕರ್ ಮಾತ್ರ. ಇನ್ನುಳಿದವು ಹೊರ ರಾಜ್ಯದವರದು.ಚಂದನ ವಾಹಿನಿ ಸರ್ಕಾರದ್ದು. ನಮ್ಮ ಕನ್ನಡಿಗರದ್ದು ಇಲ್ಲಿ ಅಲ್ಪಸಂಖ್ಯಾತ ಸ್ಥಾನಮಾನ ಮಾತ್ರ.
ಟಿ.ವಿ. ೯ ಮತ್ತು ಸುವರ್ಣ ೨೪ X 7 ವಾರ್ತಾವಾಹಿನಿಯಲ್ಲಿ ಟಾಲಿವುಡ್, ಕಾಲಿವುಡ್, ಬಾಲಿವುಡ್ ಸಮಾಚಾರಗಳನ್ನು ಬಿತ್ತರಿಸುವುದರಲ್ಲಿ ಅವರಿಗೆ ವಿಶೇಷ ಅಸಕ್ತಿ. ನಮ್ಮ ಕನ್ನಡಚಿತ್ರಗಳ ಸುದ್ದಿಯನ್ನು ಬೇರೆ ಭಾಷಾವಾಹಿನಿಗಳು ಪ್ರಸಾರಮಾಡುವುದಿಲ್ಲ. ಅಂತಹದರಲ್ಲಿ ನಮ್ಮ ಕನ್ನಡ ವಾಹಿನಿಗಳಿಗೆ ಈ ಹುಚ್ಚು ಯಾಕೋ ಗೊತ್ತಾಗುತ್ತಿಲ್ಲ. ನಮ್ಮಲ್ಲಿರುವ   ಈ ಅನೇಕ ವಾಹಿನಿಗಳಲ್ಲಿ  ಪರಭಾಷಿಕರಿಗೆ ಮೂರು ತಿಂಗಳಲ್ಲಿ  ಒಂದು ಸಲದಂತೆ  ವರ್ಷಪೂರ್ತಿ ತಮಿಳು/ತೆಲುಗು/ಮಲೆಯಾಳಂ/ಮರಾಠಿ/ಬೆಂಗಾಲಿ/ಹಿಂದಿ/ಇಂಗ್ಲೀಷ್ ಮುಖಾಂತರ ಕನ್ನಡವನ್ನು ಕಲಿಸುವ ಪ್ರಯತ್ನವನ್ನು ಮಾಡಬಹುದಲ್ಲವೇ? ಇದರಿಂದ ಪರಭಾಷಿಕರು ಮನೆಯಲ್ಲೇ ಕುಳಿತು ಕನ್ನಡವನ್ನು ಅವರ ಭಾಷೆಯಿಂದ ಕಲಿಯಬಹುದಲ್ಲವೇ?

ವೈವಿದ್ಯಮಯ ಕನ್ನಡ:

ಅತ್ಯಂತ ಪ್ರಾಚೀನಭಾಷೆಗಳಲ್ಲಿ ಕನ್ನಡವೂ ಒಂದು. ಕವಿರಾಜಮಾರ್ಗದಲ್ಲಿ ಕನ್ನಡವನ್ನು ಉತ್ತರ ಮತ್ತು ದಕ್ಷಿಣವೆಂದು ವಿಂಗಡಿಸಬಹುದು. ಅದೇ ಕವಿರಾಜಮಾರ್ಗ ಕನ್ನಡದ ಬಗೆಗಳನ್ನು ಹುಡುಕುತ್ತಾ ಹೋದರೆ ಸಾವಿರ ತಲೆಯ ಆದಿಶೇಷನೇ  ಸೋತುಹೋಗುತ್ತಾನೆ ಅಷ್ಟು ಶ್ರೀಮಂತಭಾಷೆ ಎಂದೂ ಹೇಳುತ್ತದೆ. ಕನ್ನಡವನ್ನು ಮಾತೃಭಾಷೆಯಾಗಿ ಬಳಸುವವರಲ್ಲದೆ , ತುಳು, ಕೊಂಕಿಣಿ, ಮರಾಠಿ ಭಾಷೆಯವರು  ಕನ್ನಡವನ್ನು ಎರಡನೆಯ ಭಾಷೆಯಾಗಿ ಬಳಸುತ್ತಾರೆ. ಭಾಷಾ ವಿಜ್ನಾನಿಗಳು ಕನ್ನಡವನ್ನು ಮೈಸೂರು ಕನ್ನಡ, ಧಾರವಾಡ ಕನ್ನಡ, ಮಂಗಳೂರು ಕನ್ನಡ, ಗುಲ್ಬರ್ಗ ಕನ್ನಡ ಎಂದು ವಿಂಗಡಿಸಿದ್ದಾರೆ.
ಕನ್ನಡದಲ್ಲಿ ಕನ್ನಡ:
ಹವ್ಯಕ ಕನ್ನಡ, ಸಂಕೇತಿ ಕನ್ನಡ, ಕುಂದಾಪುರ ಕನ್ನಡ, ಗೌಡ ಕನ್ನಡ, ಬಡಗು ಕನ್ನಡ, ಕುರುಂಬ ಕನ್ನಡ, ಕೋಮಾರಪಂತ್ ಕನ್ನಡ, ಹಳೇಪೈಕಿ ಕನ್ನಡ, ನಾಡವರ ಕನ್ನಡ, ಸೋಲಿಗರ ಕನ್ನಡ, ಬೆಂಗಳೂರು ಕನ್ನಡ, ಉರಲಿ ಕನ್ನಡ, ಹೊಲಿಯ ಕನ್ನಡ, ಬಾರ್ಕೂರು ಕನ್ನಡ, ತಿಪಟೂರು ಕನ್ನಡ, ಉತ್ತರ ಕರ್ನಾಟಕ ಕನ್ನಡ, ನಂಜನಗೂಡು ಕನ್ನಡ, ಮೈಸೂರು ಕನ್ನಡ, ಮಂಡ್ಯ ಕನ್ನದ, ಬಳ್ಳಾರಿ ಕನ್ನಡ. ಮಹರಾಷ್ಟ ಮತ್ತು ಮಧ್ಯಪ್ರದೇಶದ ಕೆಲವು ಭಾಗಗಳಲ್ಲಿ ಗೋಳಾರಿ ಕನ್ನಡವನ್ನು ಮಾತನಾಡುತ್ತಾರೆ. ತಮಿಳುನಾಡಿನ ನೀಲಗಿರಿ ಪ್ರಾಂತ್ಯದಲ್ಲಿ ಬಡಗು ಕನ್ನದವನ್ನು ಮಾತನಾಡುತ್ತಾರೆ. ತಮಿಳುನಾಡಿನ ಸೇಲಂನಲ್ಲಿ ಕನ್ನಡವನ್ನು ಮಾತನಾಡುವ ಕನ್ನಡಿಗರಿದ್ದಾರೆ. ಅದಕ್ಕೆ ಸೇಲಂ ಕನ್ನಡವೆಂದೂ ಕರೆಯುತ್ತಾರೆ. ತಮಿಳಿನ ಹೆಬ್ಬಾರ್ ಸಮುದಾಯದ ಜನಗಳು ಮಾತನಾಡುವ ಭಾಷೆಯಲ್ಲಿ ಕನ್ನಡ ಕಾಣುತ್ತದೆ. ಮರಾಠಿ, ಕೊಂಕಿಣಿ, ಬೆಟ್ಟಕುರುಬ ಭಾಷೆ, ಇರುಳ, ದಖ್ಖನಿ, ಸೌರಾಷ್ಟ್ರ ಭಾಶೆಗಳಲ್ಲಿ ಅನೇಕ ಕನ್ನಡ ಪದಗಳನ್ನು ಕಾಣಬಹುದು. (ಸಂಗ್ರಹ  ವಿ.ಕ.೨೮/೧೧/೧೧)

ಸಿ.ಸಿ.ಎಲ್ ಕ್ರಿಕೆಟ್ ಲೀಗ್

ತಮಿಳು ನಟ ಶ್ರೀಮಾನ್ ಜೀವ ಅವರೇ, ನೀವು ಕನ್ನಡಿಗರಿಗೆ ಮುಖ್ಯವಾಗಿ ಸುದೀಪ್ ಅವರಿಗೆ ಕ್ರೀಡಾ ಮನೋಭಾವ ಇಲ್ಲ ಅಂತ ಹೇಳಿದ್ರಂತೆ ಕ್ಷಮಿಸಿ.  ನಿಮಗೆ ಇರುವ ಕ್ರೀಡಾ ಮನೋಭಾವ ನಮಗೆ ಬರುವುದು ಖಂಡಿತಾ ಬೇಡ. ನೀವು ಪಂದ್ಯದ ಕೊನೆಯ ಎರೆಡು ಎಸತದಲ್ಲಿ ಚೆಂಡನ್ನು ಎಸಯದೆ ನಮ್ಮ ಕ್ರೀಡಾ ಪಟುವನ್ನು ಔಟ್ ಮಾಡಿದ ರೀತಿ ಮತ್ತು ಮೋಸದಿಂದ ಪಂದ್ಯವನ್ನು ಗೆದ್ದ ರೀತಿ ಸುಮಾರು ೫೯ ದೇಶಗಳಲ್ಲಿ ಪ್ರಸಾರವಾದ ಪಂದ್ಯದಲ್ಲಿ ಎಲ್ಲಾರು ನೋಡಿ ಹೀಗೂ ಕ್ರಿಕೆಟ್ ಆಡಬಹುದು ಎಂದು ತೋರಿಸಿಕೊಟ್ಟಿದ್ದೀರಲ್ಲಾ ನಿಮಗೆ ಧನ್ಯವಾದಗಳು. ಪಾಕಿಸ್ತಾನದವರು ಕೂಡ ನಮ್ಮ ಭಾರತದ ಮೇಲೆ ಹೀಗೆ ಪಂದ್ಯವನ್ನು ಆಡಿ ಗೆಲ್ಲಲಿಲ್ಲ. ಅಕಸ್ಮಾತ್ ನೀವು ನಮ್ಮ ಜೊತೆ ಪಂದ್ಯವನ್ನು ಆಡದೆ ಅಂದು ನಿಮ್ಮ ಪಂದ್ಯ ಮುಂಬೈ ಮೇಲೆ ಮುಂಬೈನಲ್ಲಿ ನಡೆದು ನೀವು ನಮ್ಮ ಮೇಲೆ ಮೋಸದ ಆಟ ಆಡಿ ಗೆದ್ದರಲ್ಲ ಹಾಗೆ ಆಡಿದ್ದರೆ, ನಿಮ್ಮ ಗತಿ ಎನಾಗುತಿತ್ತು ಯೋಚಿಸಿ ಶ್ರೀಮಾನ್ ಜೀವಾ ಅವರೇ. ಮತ್ತೊಂದು ವಿಷಯ ನಮಗೆ ಕ್ರೀಡೆಯಲ್ಲಿ ಅಷ್ಟೇ ಅಲ್ಲ ಎಲ್ಲದರಲ್ಲೂ ಕ್ರೀಡಾ ಮನೋಭಾವ ಜಾಸ್ತಿನೇ ಇದೆ. ಅದು ಇಲ್ಲದಿದ್ದರೆ ನಮ್ಮ ಕನ್ನಡ ನಿರ್ಮಾಪಕರು ನೀವು ಬೆಂಗಳೂರಿನಲ್ಲಿ ನಮ್ಮ ಮೇಲೆ ಆಟ ಆಡಲು ಬಂದಾಗ ನಿಮ್ಮ ಬಾವುಟವನ್ನು ಹಿಡಿದು ಕುಣಿದು ಕುಪ್ಪಳಿಸಲ್ಲಿವೇ. ಅಲ್ಲದೇ ನಮ್ಮ ರಾಜ್ಯದಲ್ಲಿ ತೆಲುಗು/ತಮಿಳು/ಮಲೆಯಾಳಂ/ಹಿಂದಿ/ಆಂಗ್ಲ ಭಾಷಾ ಚಿತ್ರಗಳು ಬಂದಾಗ ನಮಗೆ ಚಿತ್ರಮಂದಿರಗಳು ಇಲ್ಲದೇ ಇದ್ದರೂ ನಿಮಗೆ ನಮ್ಮ ಚಿತ್ರಮಂದಿರಗಳನ್ನು ಬಿಟ್ಟುಕೊಟ್ಟು ನಾವು ಸುಮ್ಮನೆ ಕುಳಿತುಕೊಳ್ಳವುದನ್ನು ನೋಡಿ ಇಡೀ ಭಾರತ ದೇಶವೇ "ಹೀಗೂ ಉಂಟೇ" ಎಂದು ಮೂಗಿನಮೇಲೆ ಬೆಟ್ಟು ಇಟ್ಟುಕೊಳ್ಳೂವುದನ್ನು ನೀವು ನೋಡಿಲ್ಲವೇ?. ನಿಮ್ಮ ರಾಜ್ಯದಲ್ಲಿ ತಮಿಳು ಭಾಷೆ ಬಿಟ್ಟು ಬೇರೆ ಭಾಷೆ ಮಾತನಾಡಿದರೆ ಅವರನ್ನು ನೀವು ಶತ್ರುಗಳನ್ನು ನೋಡುವುದು ಇಡೀ ಭಾರತ ದೇಶಕ್ಕೇ ಗೊತ್ತಿದೆ. ನಿಮ್ಮಿಂದ ಕಲಿಯುವುದು ನಮಗೆ ಬೇಕಾಗಿಲ್ಲ. ಅದು ನಿಮ್ಮಲ್ಲಿಯೇ ಇರಲಿ.  ಕನ್ನಡಭಾಷೆಗೆ ಕೇಂದ್ರ ಸರ್ಕಾರದವರು ಶಾಸ್ತ್ರೀಯ ಸ್ಥಾನಮಾನ ಕೊಟ್ಟಾಗೆ ನೀವು ಅದಕ್ಕೆ ಕೂಡ ಕಲ್ಲು ಹಾಕಿದವರಲ್ಲವೇ. ನಮಗೆ ಒಂದು ಬೇಜಾರಿನ ವಿಷಯವೇನೆಂದರೆ ನೀವು ನಮ್ಮ ಕಾವೇರಿ ನೀರು ಕುಡಿದೂ ನಿಮಗೆ ನಮ್ಮಲ್ಲಿ ಇರುವ ವಿಶಾಲ ಬುದ್ದಿಬರಲಿಲ್ಲವೇ ಎಂಬುದು. ಅದು ನಿಮಗೆ ಬರುವುದೂ ಇಲ್ಲ ಬಿಡಿ. ಧನ್ಯವಾದಗಳು ಹಾಗೂ ಹೀಗೂ ಪಂಧ್ಯವನ್ನು ಗೆದ್ದಿದ್ದಕ್ಕೆ.

ಕನ್ನಡ ಕಲಿಸಿ:

ಮಕ್ಕಳಿಗೆ ಕನ್ನಡ ಕಲಿಸಿ.  ಇಂದಿನ ಮಕ್ಕಳೇ ನಾಡಿನ ಕಣ್ಮಣಿಗಳು.  ನಮಗಷ್ಟೇ ಕನ್ನಡ ಬಂದರೆ ಸಾಕೇ?  ಇದು ಮುಂದುವರೆಯವುದು ಬೇಡವೇ?  ಮಕ್ಕಳಿಗೆ ಕನ್ನಡ ಮಾತನಾಡುವುದು ಬಂದರೆ ಸಾಲದು.  ಅವರಿಗೆ ಓದಲು ಮತ್ತು ಬರೆಯಲು ಕನ್ನಡ ಬರುವುದು ಅವಶ್ಯಕ.  ಇಲ್ಲದಿದ್ದರೆ ಮುಂದೆ ಕನ್ನಡ ಮಾತನಾಡಲು ಮಾತ್ರ ಬರುತ್ತದೆ, ಅದರೆ ಕನ್ನಡ ಓದಲು ಬರೆಯಲು ಬರದ ಜನಾಂಗವೇ ಜಾಸ್ತಿಯಾಗಿ ಕನ್ನಡ ಲಿಪಿ ಕಣ್ಮರೆಯಾಗುತ್ತದೆ.  ಚಿಕ್ಕ ಮಕ್ಕಳಿಗೆ ಕನ್ನಡದ ಶಿಶು ಗೀತೆಗಳನ್ನು ಹೇಳಿಕೊಡಿ.  (ಉದಾ:ಉಂಡಾಡಿ ಗುಂಡ, ನಾಯಿಮರಿ ನಾಯಿಮರಿ, ಬಣ್ಣದ ತಗಡಿನ ತುತ್ತೂರಿ,  ಒಂದು ಎರಡು...... ಇತ್ತ್ಯಾದಿ)  ಮಕ್ಕಳಿಗೆ ಇವನ್ನು ಕಲಿಸಿ www.youtube.com/results?search_query=kannada+makkala+geethegalu&oq=kannada+makkala+geethegalu&aq=f&aqi=&aql=&gs_sm=3&gs_upl=29476l32545l0l34570l13l13l0l0l0l7l260l2636l0.7.6l13l0 ಈ ತಾಣಕ್ಕೆ ಭೇಟಿ ಕೊಡಿ.  ಕನ್ನಡದಲ್ಲಿ ಮಗು ಕತೆ ಹೇಳುವಂತ ಪ್ರೊತ್ಸಾಹಿಸಿ.  ಸ್ವಲ್ಪ ದೊಡ್ಡ ಮಕ್ಕಳಿಗೆ ಕನ್ನಡದ ಕತೆ, ಕಾದಂಬರಿ ಮತ್ತು ಸಾಹಿತ್ಯವನ್ನು ಪರಿಚಯಿಸಿ.  ಕುವೆಂಪು, ಮಾಸ್ತಿ, ಕಾರಂತರು, ಬೇಂದ್ರೆ, ತೇಜಸ್ವಿ, ಆಡಿಗರು, ಗಿರೀಶ್ ಕಾರ್ನಾಡ್, ಅನಂತ ಮೂರ್ತಿ, ಕಂಬಾರರು, ಬೈರಪ್ಪ ಹೀಗೆ ಕನ್ನಡದ ದಿಗ್ಗಜರ ಪುಸ್ತಕಗಳನ್ನು ಒದಿಕೊಳ್ಳೂವಂತಾಗಲಿ. (ನಾನು ಇಲ್ಲಿ ಕೇವಲ ಕೆಲವರನ್ನು ಮಾತ್ರ ಉದಾಹರಣೆಯಾಗಿ ಕೊಟ್ಟಿದ್ದೇನೆ)  ಅನ್ಯಥಾ ಭಾವಿಸಿಬೇಕಾಗಿಲ್ಲ.  ಮಕ್ಕಳಿಗೆ ಕನ್ನಡದ ಭಾವಗೀತೆ, ಜನಪದ ಗೀತೆಗಳನ್ನು ಕೇಳಿಸಿ, ಹೇಳಿ ಕೊಡಿ.

ಕನ್ನಡ ಕಲಿತರೆ ಅದರಿಂದ ನಷ್ಟವೇನಾಗಲಾರದು.  ಅದರಿಂದ ಮುಂದೆ ನಿಮಗೂ ಮತ್ತು ನಿಮ್ಮ ಮಕ್ಕಳಿಗೂ ಪ್ರಯೋಜನವೇ ಜಾಸ್ತಿ.  ಇದರಿಂದ ನಮ್ಮ ಮಕ್ಕಳು ನಮ್ಮ ಸಂಸೃತಿಯನ್ನು ಕಲಿಯುತ್ತಾರೆ.  ಒಮ್ಮೆ ನಮ್ಮ ಸಂಸೃತಿಯನ್ನು ಕಲಿತ ಮಗು ಮುಂದೆ ದೊಡ್ಡದಾದ ಮೇಲೆ ತಂದೆ, ತಾಯಿ, ಗುರುಹಿರಿಯರನ್ನು ಗೌರವಿಸುವುನ್ನು ಕಲಿಯುತ್ತದೆ.  ಕನ್ನಡದಲ್ಲಿ ಕಲಿತರೆ ಮುಂದೆ ಉದ್ಯೋಗ ಕಷ್ಟ ಎಂಬ ಭಾವನೆ ಬಿಡಿ.  ಕನ್ನಡಕ್ಕೊ ಉದ್ಯೋಗಕ್ಕೂ ಸಂಭಂಧವಿಲ್ಲ.  ನಮ್ಮ ಕಛೇರಿಯ ದ್ವಾರಪಾಲಕ ಕೂಡ ಎಲ್ಲರಂತೆ  ಆಂಗ್ಲ ಭಾಷೆಯಲ್ಲಿ ಮಾತನಾಡಬಲ್ಲ.  ಆಂಗ್ಲ ಭಾಷೆಯಲ್ಲಿ ಕಲಿತರೆ ಮಾತ್ರ ಉದ್ಯೋಗ ಎಂಬುದಿಲ್ಲ.  ಕೆಲಸಕ್ಕೆ ಜ್ನಾನ ಮುಖ್ಯ.  ಈಗ ಸುಮಾರು ೮೦-೯೦% ಐಟಿ, ಬಿಟಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿರುವವರು ಚಿಕ್ಕಂದಿನಲ್ಲಿ ಕನ್ನಡ ಶಾಲೆಯಲ್ಲಿ ಓದಿದವರೆ.  ಡಾ.ಸಿ.ಎನ್.ಆರ್.ರಾವ್ ನಮ್ಮ ದೇಶದ, ನಾಡಿನ ಹೆಸರಾಂತ ವಿಜ್ನಾನಿಗಳು.  ಇವರಿಗೆ ಇತ್ತೀಚೆಗೆ ೫೩ ಡಾಕ್ಟರೇಟ್ ಪ್ರಶಸ್ತಿಗಳು ದೊರಕಿವೆ.  ಪ್ರಪಂಚದ ಅನೇಕ ವಿಶ್ವವಿದ್ಯಾನಿಲಯಗಳು ತಾಮುಂದು ತಾಮುಂದು ಎಂದು ಇವರಿಗೆ ಡಾಕ್ಟರೇಟ್ ಪ್ರಶಸ್ತಿಗಳನ್ನು ಹುದುಕಿಕೊಂಡು ಬಂದು ಕೊಡುತ್ತಾರೆ.  ಇನ್ನು ನಾಡಿನ ಹೆಸರಾಂತ ಇಂಜಿನಿಯರ್ ಆಗಿದ್ದಂತಹ ಡಾ.ಸರ್.ಎಂ.ವಿಶ್ವೇಶ್ವರಯ್ಯನವರು ಇವರ ಬಗ್ಗೆ ತಿಳಿಯದ ಜನರೇ ಇಲ್ಲ ಈ ನಾಡಿನಲ್ಲಿ.  ಇವರುಗಳು ಕನ್ನಡದ ಶಾಲೆಗಳಲ್ಲಿ ಕಲಿತವರೆ. ಇತ್ತೀಚೆಗೆ ನಾರಾಯಣ ಮೂರ್ತಿ, ಕ್ಯಾಪ್ಟನ್.ಗೋಪಿನಾಥ್ ಹೀಗೆ ನಾಡಿನಲ್ಲಿ ಹೆಸರು ಕೀರ್ತಿ ಗೌರವವನ್ನು ಪಡೆದಿರುವವರು ಚಿಕ್ಕಂದಿನಲ್ಲಿ ಇವರು ಸಹ ಕನ್ನಡದಲ್ಲಿ ಕಲಿತವರೇ.  ಆಂಗ್ಲ ಭಾಷೆಯಲ್ಲಿ ಕಲಿತವರು ಮಾತ್ರ ಬುದ್ದಿವಂತರು ಮಿಕ್ಕವರು ಇಲ್ಲ ಎಂಬ ಭಾವನೆಯನ್ನು ಬಿಟ್ಟುಬಿಡಿ.  ಓದುವುದು ಜ್ನಾನ ಸಂಪಾದನೆಗಾಗಿ ಮಾತ್ರ.  ಮಕ್ಕಳಿಗೆ ಕನ್ನಡದಲ್ಲಿ ಮೊದಲು ಸರಿಯಾದ ಜ್ನಾನವನ್ನು ಕೊಡಿ.  ಮುಂದೆ  ಮಕ್ಕಳು ಆಂಗ್ಲಭಾಷೆಯನ್ನಷ್ಟೇ ಅಲ್ಲದೆ ಅನೇಕ ಭಾಷೆಗಳನ್ನು ತಮ್ಮಷ್ಟಕ್ಕೆತಾವೆ ಕಲಿಯುತ್ತಾರೆ.  ಕನ್ನಡಕ್ಕೆ ಆಂಗ್ಲ ಭಾಷೆ ಮತ್ತು ಇತರೆ ಭಾಷೆಗಳು ಊರುಗೊಲಾಗಿರಲಿ, ಅದೇ ಕಾಲುಗಳಾಗುವುದು ಬೇಡ.  ಇಂದಿನ ಅನೇಕ ಮಕ್ಕಳು ಪಾಠವನ್ನು ಉರುಹೊಡೆಯುತ್ತರೆ.  ಅದರಲ್ಲಿ ಇರುವ ವಿಷಯಗಳಬಗ್ಗೆ ಅರಿವಿಲ್ಲ.  ಇದರಿಂದ ಮುಂದೆ ಅವರಿಗೇ ನಷ್ಟ. ಇತ್ತೀಚೆಗೆ ನಾರಾಯಣಮೂರ್ತಿಯವರು ಒಂದುಕಡೆ ನಮ್ಮಲ್ಲಿ ಐ.ಐ.ಟಿಯಲ್ಲಿ ಉತೀರ್ಣರಾಗಿ ಬಂದು ನಮ್ಮಲ್ಲಿ ಕೆಲಸ ಮಾಡುವವರೂ ಸಹ ಸೃಜನಶೀಲರಾಗಿಲ್ಲ ಎಂದು ಹೇಳಿದ್ದಾರೆ.   ಇದು ಆಂಗ್ಲ ಬಾಷೆಯಲ್ಲಿ ಓದಿ ಉರುಹೊಡೆದವರ ಲಕ್ಷಣ. ಮಕ್ಕಳಿಗೆ ಮಾತೃಭಾಷೆಯಲ್ಲಿ ಎನು ಓದುತ್ತಿದ್ದೇವೆ ಎಂಬ ಅರಿವಿರಬೇಕು.  ಆಗ ಉರುಹೊಡೆಯುವುದು ತಪ್ಪುತ್ತದೆ.  ಜ್ನಾನ ಹೆಚ್ಚುತ್ತದೆ.  ಆ ಕಾರಣಕ್ಕಾಗೇ ಹಿರಿಯ ಭಾಷಾ ವಿದ್ವಾಂಸರು, ಶಿಕ್ಷಣ ತಜ್ನರು, ಕವಿಗಳು, ಸಾಹಿತಿಗಳು ಮಕ್ಕಳಿಗೆ ಕನ್ನಡದಲ್ಲೇ ಬಾಲ್ಯ ಶಿಕ್ಷಣ ದೊರಕಬೇಕೆಂದು ಹೇಳುತ್ತಿರುವುದು.  ಉಚ್ಚನ್ಯಾಯಾಲಯವು ಸಹ ಈ ವಾದವನ್ನು ಒಪ್ಪುತ್ತಿವೆ.  ಇನ್ನು ಗುಣಮಟ್ಟದ ಕನ್ನಡ ಶಾಲೆಗಳು, ಅದರ ಕಾರ್ಯ ವೈಖರಿ ಮತ್ತು ಅದರಲ್ಲಿ ಇರುವ ಸೌಲಭ್ಹ್ಯಗಳ ಬಗ್ಗೆ ತಿಳಿಯಲು ನಮ್ಮ ಸ್ನೇಹಿತರ kalikeyu.blogspot.com ತಾಣಕ್ಕೆ ಭೇಟಿ ಕೊಡಿ.

ಮಕ್ಕಳ ಮೇಲೆ ಇಂಗ್ಲೀಷ್ ಕಲಿಕೆ ಹೇರುವುದು ಬೇಡ:

www.vijaykarnatakaepaper.com/svww_zoomart.php?Artname=20120123a_012101005&ileft=256&itop=860&zoomRatio=130&AN=20120123a_012101005

 ಸ್ವಾಮಿನಾಥನ್ ಅಯ್ಯರ್ ಎಂಬ ಲೇಖಕರು ವಿ.ಕ (೨೩/೧/೧೨) "ಮಕ್ಕಳ ಮೇಲೆ ಇಂಗ್ಲೀಷ್ ಕಲಿಕೆ ಹೇರುವುದು ಬೇಡ" ಎಂಬ ಲೇಖನದಲ್ಲಿ ಅಂತರಾಷ್ತ್ರೀಯ ಸಂಸ್ಥೆಯೊಂದು ವಿದ್ಯಾರ್ಥಿಗಳ ಕಲಿಕಾಶಕ್ತಿಯ ಕುರಿತು ೭೩ ದೇಶಗಳಲ್ಲಿ ಒಂದು ಅಧ್ಯಯನ ಮಾಡಿದೆ, ಅದರಲ್ಲಿ ನಮ್ಮ ಭಾರತ ೭೨ನೆಯ ಸ್ಥಾನವನ್ನು ಪಡೆದಿದೆ ಎಂಬ ವರದಿಯ ಬಗ್ಗೆ ತಿಳಿಸಿರುತ್ತಾರೆ. ಮುಂದುವರೆಯುತ್ತಾ ೫ನೆಯ ತರಗತಿಯ ವಿದ್ಯಾರ್ಥಿ ಕನಿಷ್ಟ ೨ನೆಯ ತರಗತಿಯ ಪಠ್ಯವನ್ನು ಅರ್ಥ ಮಾಡಿಕೊಳ್ಳುವ ಸಾಮರ್ಥ್ಯವನ್ನು ಪಡೆದಿಲ್ಲ ಎಂಬುದನ್ನು ತಿಳಿಸಿದೆ ಎಂದೂ ಹೇಳಿರುತ್ತಾರೆ. ಮೂರನೆಯ ತರಗತಿಯ ವಿದ್ಯಾರ್ಥಿಗಳು ಸುಲಭವಾದ ಕೂಡು/ಕಳೆಯುವ ಲೆಕ್ಕವನ್ನು ಮಾಡಲೂ ಸಮರ್ಥರಲ್ಲ ಎಂದೂ ವರದಿಯಲ್ಲಿ ಹೇಳಿದೆ ಎಂಬುದನ್ನೂ ತಿಳಿಸಿರುತ್ತಾರೆ. ೨೦೧೦ರಲ್ಲಿ ೩೬.೩ರಷ್ಟು ವಿದ್ಯಾರ್ಥಿಗಳು ಸಮರ್ಥರಾಗಿದ್ದರೆ ೨೦೧೧ರಲ್ಲಿ ೨೯.೯ಕ್ಕೆ ಕುಸಿದಿದ್ದಾರೆ.  ಇದರ ಅರ್ಥ ಭಾರತದಲ್ಲಿ ವಿದ್ಯಾರ್ಥಿಗಳ ಗುಣಮಟ್ಟ ಹೇಗೆ ಕುಸಿಯುತ್ತಿದೆ ಎಂದು ಅರ್ಥ ವಾಗುತ್ತದೆ. ಖಾಸಗಿ ಶಾಲೆಗಳಲ್ಲಿರುವ ವಿದ್ಯಾರ್ಥಿಗಳ ಪ್ರಮಾಣ ೧೮.೭ ರಿಂದ ೨೫.೬ ಎರಿದೆ ಮತ್ತು ೨೬ ರಷ್ಟು ವಿದ್ಯಾರ್ಥಿಗಳು ಮನೆ ಪಾಠಗಳಿಗೆ ಹೊಗುತ್ತಾರೆ.  ಅದರೊ ಸಹ ಶೈಕ್ಶಣಿಕ ಗುಣಮಟ್ಟದಲ್ಲಿ ಬೆಳವಣಿಗೆಯಾಗುತ್ತಿಲ್ಲ ಎಂಬ ಅವರ  ಮಾತುಗಳೂ ಸತ್ಯ.

ಹೀಗಾಗಲು ಎನು ಕಾರಣವಿರಬಹುದೆಂಬುದನ್ನೂ ಅವರು ಊಹಿಸಿ ಹೀಗೆ ಹೇಳುತ್ತರೆ "ತಮ್ಮ ಮಾತೃಭಾಷೆಯಲ್ಲಿ ಸುಲಭವಾಗಿ ಓದಬಲ್ಲ ಮಕ್ಕಳು, ನಂತರದ ದಿನಗಳಲ್ಲಿ ಸುಲಭವಾಗಿ ಇಂಗ್ಲೀಷ್ ಕಲಿಯಬಲ್ಲರು.  ಇಂತಹ ಪ್ರಯೋಗವು ಜಾಂಬಿಯಾ ದೇಶದಲ್ಲಿ ಯಶಸ್ವಿಯಾಗಿದೆ. ಮಾತೃಭಾಷೆಯಿಂದ ಶಿಕ್ಷಣವನ್ನು ಮೊದಲು ಆರಂಬಿಸಿ, ಆನಂತರ ಇಂಗ್ಲೀಷ್ ಕಲಿಕೆಯನ್ನು ಜಾರಿಗೊಳಿಸಬೇಕು. ಅಕಾಲಿಕವಾಗಿ ಇಂಗ್ಲೀಷನ್ನು ಕಲಿಸುತ್ತಿರುವುದು ಮಕ್ಕಳ ಶೈಕ್ಷಣಿಕ ಮಟ್ಟ ಕುಸಿಯಲು ಕಾರಣವಾಗುತ್ತಿದೆ" ಎಂಬ ಸಂದೇಹವನ್ನು ಅವರು ವ್ಯಕ್ತಪಡಿಸುತ್ತಾರೆ. ಪೋಷಕರೇ ನಿಮಗೆ ಕೇಳಿಸುತ್ತಿದೆಯೇ? ಸರ್ಕಾರಕ್ಕಂತೂ ಬುದ್ದಿ ಬರುವುದಿಲ್ಲ ಯಾರು ಹೇಳಿದರೂ.  ನೀವಾದರೂ ಅರ್ಥಮಾಡಿಕೊಳ್ಳಿ.

ಕ್ಯಾಂಪಸ್ ನಲ್ಲಿ ಕನ್ನಡ:

www.vijaykarnatakaepaper.com/svww_zoomart.php?Artname=20120123l_003101001&ileft=46&itop=97&zoomRatio=130&AN=20120123l_003101001

ವಿ.ಕ (೨೩/೧/೧೨) ರ ಲವಲವಿಕೆ ಪತ್ರಿಕೆಯಲ್ಲಿ ಶೀಲಾ ಸಿ.ಶೆಟ್ಟಿ ಅವರ "ಕ್ಯಾಂಪಸ್ ನಲ್ಲಿ ಕನ್ನಡ" ಲೇಖನದಲ್ಲಿ ಶ್ರೀ.ಶ್ರೀನಿವಾಸ ಪ್ರಸಾದ್ ಅವರ ಕನ್ನಡ ಪ್ರೇಮವನ್ನು ತಿಳಿಸಿಕೊಟ್ಟಿರುತ್ತಾರೆ. ಅವರಿಗೆ ನಮ್ಮ ಧನ್ಯವಾದಗಳು. ಇದೇ ಅಲ್ಲವೇ ನಿಜವಾದ ಕನ್ನಡದ ಕಳಕಳಿ. ಇದೇ ಅಲ್ಲವೇ ನಮ್ಮ ಕನ್ನಡಿಗರು ಮಾಡಬೇಕಿರುವುದು. ಶ್ರೀಯುತರು ಸುಮಾರು ೨೫,೦೦೦ ಕ್ಕೂ ಹೆಚ್ಚು ಪರಭಾಷಿಕರಿಗೆ ಕನ್ನಡವನ್ನು ಸುಮಾರು ೨೫ ವರ್ಷಗಳಿಂದ ಕಲಿಸುತ್ತಿರುವುದನ್ನು ಕೇಳಿ ನನಗೆ ತುಂಬಾ ಸಂತೋಷವಾಯಿತು. ಅವರಿಗೆ ನನ್ನ ಧನ್ಯವಾದಗಳು. ವಿಜ್ನಾನಿಗಳಿಗೆ, ಬ್ಯಾಂಕ್ ಅಧಿಕಾರಿಗಳಿಗೆ, ಸೇನಾಧಿಕಾರಿಗಳಿಗೆ, ಹೀಗೆ ಸಾವಿರಾರು ಪರಭಾಷಿಕರಿಗೆ ಕನ್ನಡವನ್ನು ಕೇವಲ ೩ ತಿಂಗಳ ಅವಧಿಯಲ್ಲಿ ಕಲಿಸಿರುವುದು ಬಹಳ ಹೆಮ್ಮೆಯ ಸಂಗತಿ.  ಶ್ರೀಯುತರು "ಕನ್ನಡದ ಸೇವೆ ಎಂದರೆ ಕೇವಲ ಕನ್ನಡಕ್ಕಾಗಿ ಧ್ವನಿ ಎತ್ತಿ ಹೋರಾಡುವುದಲ್ಲ. ನಮ್ಮ ಸುತ್ತಮುತ್ತಲಲ್ಲಿ ಕನ್ನಡ ವಾತಾವರಣವನ್ನು ನಿರ್ಮಿಸುವುದು, ಭಾಷೆ ಕೆಲಿಸಿ, ಬೆಳೆಸುವುವುದು ಮುಖ್ಯ" ಎಂಬ ಮಾತುಗಳನ್ನು ಹೇಳಿರುತ್ತಾರೆ. ನಿಜವಾಗಲೂ ಇದು ಸತ್ಯವಾದ ಮಾತು.  ಇಲ್ಲಿ ಬರುವ ಸಾವಿರಾರು ಪರಭಾಷಿಕರಿಗೆ ಕನ್ನಡವನ್ನು ಕಲಿಸಿ, ಕನ್ನಡದ ಕಥೆ, ಕಾದಂಬರಿ, ನಾಟಕ, ಚಲನಚಿತ್ರ, ಜಾನಪದ, ಸಾಹಿತ್ಯ, ಸಂಗೀತ,  ಹೀಗೆ ನಮ್ಮ ಸಂಸ್ಕ್ರುತಿಯನ್ನು ಪರಿಚಯಿಸಿ ನಮ್ಮವರನ್ನಾಗಿ ಮಾಡಿಕೊಳ್ಳಬಹುದಲ್ಲವೇ.  ಈ ಲೇಖನವನ್ನು ಓದುತ್ತಿರುವಾಗ ನನಗೆ ಒಂದು ಯೋಚನೆ ಬಂತು. ಅದೇನೆಂದರೆ ನಾವು ಪರಭಾಷಿಕರಿಗೆ  ಗಣಕ ಯಂತ್ರ, ಸಿ.ಡಿ/ಡಿ.ವಿ.ಡಿ ಮೂಲಕವೂ ಕನ್ನಡವನ್ನು ಕಲಿಸಬಹುದಲ್ಲವೇ. www.flipkart.com/books/8122300367?_l=OroMg1KV5h7GydKPRNIZ+w--&_r=fTwBL7a+AEToNw+d5eCuYA--&ref=b1395370-b924-4b02-9135-c795b6b760ea ಅವರು ತಮ್ಮ ತಮ್ಮ ಮನೆ/ಕಛೇರಿಯಲ್ಲಿ ಕುಳಿತೇ ಕನ್ನಡ ಭಾಷೆಯನ್ನು ಕಲಿಯಬಹುದಲ್ಲವೇ. ಇದನ್ನು ಟಿ.ವಿ ಯಲ್ಲೂ ಸಹ ಪ್ರಸಾರ ಮಾಡಿ ಒಮ್ಮೆಗೇ ಸಾವಿರಾರು ಪರಭಾಷಿಕರಿಗೆ ಉಚಿತವಾಗಿ ಕನ್ನಡವನ್ನು ಕಲಿಸಬಹುದಲ್ಲವೇ? 

ಗಾಂಚಲಿ ಬಿಡಿ ಕನ್ನಡ ಮಾತಾಡಿ:

ಮ್ಮುಖ್ಯವಾಗಿ ಈ ವಿಷಯ ಇಲ್ಲಿ ಪ್ರಸ್ತಾಪ ಮಾಡುವ ಕಾರಣ ಎನೆಂದರೆ ನಮ್ಮ ಕನ್ನಡಿಗರಲ್ಲಿ ಕೆಲವರು ಇಲ್ಲಿ ಹುಟ್ಟಿ ಬೆಳೆದು ದೊಡ್ಡವರಾಗಿ ಬೇರೆ ರಾಜ್ಯಗಳಲ್ಲಿ/ವಿದೇಶಗಳಲ್ಲಿ ನೆಲೆಸಿ ಹಣ, ಕೀರ್ತಿ, ಗೌರವ ಸಂಪಾದಿಸಿದವಾರಿದ್ದರೆ. ಅದರಲ್ಲಿ ಅನೇಕರು ಎಲ್ಲೇ ಹೋದರೂ ಕನ್ನಡವನ್ನು ಮರೆಯದೆ ನಾವು ಮೊದಲು ಕನ್ನಡಿಗರೇ.  ಎಲ್ಲಾದರೂ ಇರು, ಎಂತಾದರೂ ಇರು ಮೊದಲು ಕನ್ನಡಿಗನಾಗಿರು ಎಂಬ ಕವಿವಾಣಿಯಯನ್ನು ಮರೆಯದೆ ನಿಜ ಜೀವನದಲ್ಲೂ ಹಾಗೆ ನಡೆದುಕೊಂಡವರಾಗಿದ್ದಾರೆ. ಉದಾಹಾರಣೆಗೆ ರಜನಿಕಾಂತ್, ಐಶ್ವರ್ಯ ರೈ, ಶಿಲ್ಪಾ ಶೆಟ್ಟಿ, ಸುನೀಲ್ ಶೆಟ್ಟಿ, ದೀಪಿಕಾ ಪಡುಕೊಣೆ, ಅನುಷ್ಕಾ ಶರ್ಮ, ಅನುಷ್ಕಾ ಶೆಟ್ಟಿ,  ಪ್ರಭುದೇವ, ಸುಮನ್ ರಂಗನಾಥ್, ಸುಮನ್, ಅರ್ಜುನ್ ಸರ್ಜ,  ರವಿಶಾಸ್ತ್ರಿ, ಡಾ.ನೀರಜ್ ಪಾಟೀಲ್ (ಮಹಾ ಪೌರರು-ಲಂಡನ್ ನಗರ) ಪ್ರಕಾಶ್  ರೈ, ಚರಣ್ ರಾಜ್ ಮುಂತಾದವರು ನಮ್ಮ ಕನ್ನಡಿಗರು.  ಅವರಲ್ಲಿ ಕೆಲವರು ಇಲ್ಲಿಗೆ ಬಂದಾಗ ಕನ್ನಡದಲ್ಲಿ ಮಾತನಾಡಿದರೆ ನಮಗೆ ಎಲ್ಲಿ ಲಕ್ವ ಹೊಡೆಯುವುದೊ ಎಂದು ಭಾವಿಸುತ್ತಾರೆ.  ಕನ್ನಡ ಬಂದರೂ ಮಾತನಾಡದೆ ಅಗೌರವ ತೊರಿಸುತ್ತಾರೆ. ಆದರೆ ನಮ್ಮ ರಜನಿಕಾಂತ್, ಅರ್ಜುನ್ ಸರ್ಜ, ಪ್ರಕಾಶ್ ರೈ, ಸುಮನ್ ರಂಗನಾಥ್, ಸುಮನ್, ಪ್ರಭುದೇವ, ಚರಣ್ ರಾಜ್ ಅವರುಗಳು ಇಲ್ಲಿಗೆ ಬಂದಾಗ ನಮ್ಮ ಕನ್ನಡದಲ್ಲಿ ಮಾತಾಡಿ ಅವರ ಅಭಿಮಾನವನ್ನು ತೊರಿಸುತ್ತಾರೆ.  ಇಲ್ಲಿಯೂ ಸಹ ನಮ್ಮ ಕನ್ನಡ ಚಿತ್ರಗಳಲ್ಲಿ ನಟಿಸುತ್ತಾರೆ ಕೂಡ.  ಅರ್ಜುನ್ ಸರ್ಜ, ಪ್ರಕಾಶ್ ರೈ ಅಂತಹವರು ನಮ್ಮ ಕನ್ನಡ ಚಿತ್ರಗಳಲ್ಲಿ ನಟಿಸುವುದಷ್ಟೇ ಅಲ್ಲದೇ ನಿರ್ಮಿಸಿ ನಿರ್ದೇಶನವನ್ನೂ ಮಾಡಿರುತ್ತಾರೆ.   ಐಶ್ವರ್ಯ ರೈ ಇಲ್ಲಿ ವಿಶ್ವ ಕನ್ನಡ ಸಮ್ಮೇಳನಕ್ಕೆ ಬಂದಾಗ ಕೆಟ್ಟ ಕನ್ನಡದಲ್ಲಿ ಮಾತನಾಡಿರುವುದನ್ನು ನೀವೆಲ್ಲಾ ನೋಡಿದ್ದೀರ. www.youtube.com/watch?v=F0kqNwNQYYY) ದೀಪಿಕಾ ಪಡುಕೊಣೆಯಂತೂ ತಮ್ಮ ಮೊದಲ ಚಿತ್ರ ಕನ್ನಡದ ಐಶ್ವರ್ಯ ಎಂಬುದನ್ನು ಎಲ್ಲಾದರೂ ಹೇಳಿರುವುದನ್ನು ಕೇಳಿದ್ದೀರಾ ಸ್ನೇಹಿತರೆ.  ಇವರಿಗೆಲ್ಲಾ ನಮ್ಮ ಧಿಕ್ಕಾರ.  ಇಂತಹದವರಿಗೆ ಹೇಳುವುದು ಗಾಂಚಲಿ ಬಿಡಿ   ಕನ್ನಡದಲ್ಲಿ ಮಾತಾಡಿ ಎಂದು. (ಈ ಹೆಸರಿನಲ್ಲಿ ನಮ್ಮ ಸ್ನೇಹಿತರ  gaanchalibidi kannadadallli maataadi ಎಂಬ ಫ಼ೇಸ್ ಬುಕ್ ಇದೆ).  ನಮ್ಮ ಡಾ.ನೀರಜ್ ಪಾಟೀಲ್ ಅವರಂತೂ ನಮ್ಮ ಹೆಮ್ಮೆಯ ಕನ್ನಡಿಗರೇ ಸರಿ.  ಅವರು ಬಂದು ಕನ್ನಡದಲ್ಲಿ ಮಾತನಾಡುವುದೇನು, ಹಾಡು ಹೇಳುವುದೇನು ಅದನ್ನು ನೊಡುವುದೆ ನಮ್ಮ ಸೌಭಾಗ್ಯ.  ಇನ್ನು  ರಜಿನಿಕಾಂತ್ ಇಲ್ಲಿಗೆ ಬಂದಾಗ ಕನ್ನಡದ ಚಿತ್ರಗಳನ್ನು ಚಲನಚಿತ್ರ ಮಂದಿರಗಳಲ್ಲಿ ನೊಡುತ್ತಾರೆ.  ಅವರ ಸ್ನೇಹಿತರೊಂದಿಗೆ ಕನ್ನಡದಲ್ಲಿ ಮಾತನಾಡುತ್ತಾರೆ. ಕನ್ನಡದಲ್ಲಿ ಪತ್ರ ಬರೆಯುತ್ತಾರೆ, ಕನ್ನಡದ ಕಾದಂಬರಿಯನ್ನು ಓದುತ್ತಾರೆ.  ಕನ್ನಡದ ಬಗ್ಗೆ ಇನ್ನೂ ಪ್ರೀತಿ, ವಿಶ್ವಾಸ, ಅಭಿಮಾನ ಹೊಂದಿರುವ ರಜನಿಯನ್ನು ಬೇರೆ ಕಲಾವಿದರು ನೋಡಿ ಕಲಿಯುವುದು ಬಹಳಷ್ಟು ಇದೆ. ರಜನಿಯವರು ಈಗ ಮನೆಯಲ್ಲಿ ಹೆಂಡತಿ ಮಕ್ಕಳ ಹತ್ತಿರ ಯಾವ ಭಾಷೆಯಲ್ಲಿ ಮಾತನಾಡುತ್ತರೆ ಎಂಬ ಕುತೂಹಲ ಎಲ್ಲರಂತೆ ನನಗೊ ಇದೆ.   ನಾನು ಕನ್ನಡದಲ್ಲಿ ನಟಿಸುವೆ.  ಒಳ್ಳೆ ಕಥೆ ತನ್ನಿ ಎಂದು ಅನೇಕ ಬಾರಿ ಹೇಳಿರುತ್ತಾರೆ.  "ದಳವಾಯಿ ಮುದ್ದಣ್ಣ" ಎಂಬ ಚಿತ್ರದಲ್ಲಿ ನಟಿಸುವ ಆಸೆಯನ್ನು ವ್ಯಕ್ತಪಡಿಸುತ್ತಾರೆ.  .  ನಮ್ಮ ನಿಮಾ೯ಪಕರಾದ ದ್ವಾರಕೀಶ್, ಮುನಿರತ್ನಂ, ಕೊಬ್ರಿ ಮಂಜ, ರಾಕ್ಲೈನ್ ವಂಕಟೇಶ್ ಮನಸ್ಸು ಮಾಡಿದರೆ ಕನ್ನಡದಲ್ಲಿ ರಜನಿಕಾಂತ್ ಚಿತ್ರ ಬರುವುದು ಅಸಾಧ್ಯವೇನಲ್ಲ ಎಂದು ನನ್ನ ಭಾವನೆ. ಅವರೇ ಆದನ್ನು ನಿರ್ಮಾಣ ಮಾಡಿದರೆ ನಮಗೆ ಇನ್ನೂ ಸಂತೋಷವಾಗುತ್ತದೆ  www.youtube.com/watch?v=R6a7GlFNO48

ಇನ್ನು ಬೇರೆ ಭಾಷೆಯವರಾದಾರೂ ಕಮಲ್ ಹಾಸನ್, ಇಳೆಯರಾಜ, ಎಸ್.ಪಿ.ಬಾಲಸುಬ್ರಮಣ್ಯಂ, ಶರತ್ ಕುಮಾರ್ ಮುಂತಾದವರು ಇಲ್ಲಿಗೆ ಬಂದಾಗ ಕನ್ನಡದಲ್ಲಿ ಮಾತನಾಡಿ ನಮ್ಮ ಮನಸ್ಸನ್ನು ಗೆದ್ದಿದ್ದಾರೆ.   ಇದೆಲ್ಲಾ ಸರಿ, ಆದರೆ ಇಲ್ಲೇ ಹುಟ್ಟಿ, ಬೆಳೆದು ದೊಡ್ಡವರಾದ  ಕೆಲ ಕನ್ನಡ ಮಾತಾಡುವ ಕನ್ನಡಿಗರು ಒಳ್ಳೆ ಹೆಸರು, ಹಣ, ಕೀರ್ತಿ ಗಳಿಸಿದ ತಕ್ಷಣ ಕನ್ನಡವನ್ನು ಮರೆತು ಕನ್ನಡಕ್ಕೆ ದ್ರೊಹ ಮಾಡುವವರಿದ್ದಾರಲ್ಲಾ? ಇವರಿಗೆ ನಾವು ಹೇಳುವುದು ಗಾಂಚಲಿ ಬಿಡಿ, ಕನ್ನಡದಲ್ಲಿ ಮಾತಾಡಿ ಎಂದು. ನಾವು ಕನ್ನಡಿಗರೇ ಅಲ್ಲ ಅಂತ ಹೇಳಿಕೊಳ್ಳುದ ಒಂದು ವರ್ಗ ಇದೆ. ಅವರಿಗೆ ಕನ್ನಡದ ನೆಲ, ನೀರು, ಗಾಳಿ ಎಲ್ಲಾ ಬೇಕು. ಕನ್ನಡ ಮಾತ್ರ ಬೇಡ.  ನಮ್ಮ ಹೆಮ್ಮೆಯ ಗೋಡೆ ಎಂದು ಕರೆಸಿಕೊಳ್ಳುವ ರಾಹುಲ್ ದ್ರಾವಿಡ್ ಕನ್ನಡದಲ್ಲಿ ಮಾತನಾಡಿರುವುದನ್ನು ಕೇಳಿರುವಿರಾ? www.youtube.com/watch?v=964MqQqeMAk  ಇದು ಒಬ್ಬರು ಹೇಳಿಕೊಡುವ ವಿಷಯವಲ್ಲ.  ಅದು ಹೃದಯದಲ್ಲಿ ಇರಬೇಕು.  ಇದು ನಾವು ನಮ್ಮ ಭಾಷೆಗೆ ಕೊಡುವ ಗೌರವ, ಸಮ್ಮಾನ.  ಇದು ಕೇವಲ ಕಲಾವಿದರಿಗೆ ಮಾತ್ರ ಅನ್ವಯಿಸುವುದಿಲ್ಲ.  ಎಲ್ಲಾ ಕ್ಷೇತ್ರದ ಜನರಿಗೂ ಅನ್ವಯಿಸುವ ಮಾತು. ಇದೆಲ್ಲಾ ನೋಡಿದರೆ ನನಗೆ ಒಂದೊಂದು ಸಲ ಅನ್ನಿಸುತ್ತದೆ. ಇದು ನಮಗೆ ಆ ದೇವರು ಕೊಟ್ಟ ಶಾಪವೊ ಅಂತ. ಯಾಕೆಂದರೆ ನೋಡಿ ಕನ್ನಡದಲ್ಲಿ ಮಾತಾಡಿ, ಕಲಿಯಿರಿ ಅಂತ ನಾವು ನಮ್ಮವರಿಗೆ ಹೇಳಬೇಕಾಗಿದೆಯಲ್ಲ.

ಠಾಕ್ರೆ ಅಜ್ಜನಿಗೊಂದು ಪತ್ರ:

ಅಜ್ಜಾ ಹೇಗಿದ್ದೀರಾ? ಚೆನ್ನಾಗಿದ್ದೀರಾ? ನಿಮ್ಮ ಆರೋಗ್ಯ ಹೇಗಿದೆ? ಮೊದಲು ನಿಮಗೆ ನಮ್ಮ ಪ್ರೀತಿಯ ನಮಸ್ಕಾರಗಳು. ತುಂಬಾ ದಿನಗಳಿಂದ ನಿಮಗೊಂದು ಪತ್ರವನ್ನು ಬರೆಯಬೇಕೆಂಬ ಆಸೆ ಇತ್ತು. ಕಾಲ ಕೂಡಿ ಬಂದಿರಲಿಲ್ಲ.  ಈಗ ಬಂದಿದೆ. ಎನಜ್ಜ, ನೀವು ಆ ಎಮ್.ಎಮ್.ಎಸ್ ನವರಿಗಂತೂ ಬುದ್ದಿ ಇಲ್ಲ ಅದು ಎಲ್ಲರಿಗೂ ಗೊತ್ತಿರುವ ವಿಷಯ. ನೀವು ಅವ್ರಿಗೆ ಸ್ವಲ್ಪ ಬುದ್ದಿ ಹೇಳಬಾರದ. ನೀವು ಹಿರಿಯರು. ಎಲ್ಲಾನೂ ತಿಳಿದುಕೊಂಡಿರುವವರು. ಲೋಕಜ್ನಾನ ಹೊಂದಿರುವವರು. ಅವರಿಗೆ ನೀವು ಒಂದು ಸಾರಿ ಗದರಿ. ಮರಾಠಿಗರು ಬೆಳಗಾವಿಯಲ್ಲಿ ಗಲಾಟೆಮಾಡದೆ ಕನ್ನಡಿಗರ ಹತ್ತಿರ ಹೊಂದಿಕೊಂಡು ಸಖವಾಗಿಬಾಳಿ ಎಂದು ಬುದ್ದಿ ಹೇಳಿ.  ರಾಜ್ ಠಾಕ್ರೆ ಅವರು ಸರಿಯಾಗಿ ಅವರಿಗೆ ಬುದ್ದಿ ಹೇಳಿದ್ದಾರೆ. ನೀವು ಸ್ವಲ್ಪ ಹೇಳಬಾರದೆ. ನಿಮ್ಮ ಮಾತಿಗೆ ಅವರು ಎದುರು ಉಸಿರಾಡಲ್ಲ ಅಂತ ನಮ್ಮ ಭಾವನೆ. ಬೆಳಗಾವಿಯನ್ನು ಕೆಂದ್ರಾಡಳಿತ ಪ್ರದೇಶ ಮಾಡಿ, ಬೆಳಗಾವಿಯನ್ನು ಬೆಳಗಾಂ ಮಾಡಿ, ಬೆಳಗಾವಿ ಯನ್ನು ಮಹರಾಷ್ಟ್ರಕ್ಕೆ ಸೇರಿಸಿ ಅಂತ ಸುಮ್ಮನೆ ಕೂಗು ಎಬ್ಬಿಸುವುದು ಎಷ್ಟು ಸರಿ ನೀವೇ ಹೇಳಿ. ಅವರು ಹೆಳ್ತಾರೆ ಅಂತ ಮಾಡುವುದಕ್ಕಾಗತ್ತಾ. ನಿಮ್ಮ ಮುಂಬೈನಲ್ಲೇ ಮರಾಠಿಯ ಜೊತೆ ಕನ್ನಡ, ತೆಲುಗು, ತಮಿಳು, ಹಿಂದಿ, ಗುಜರಾತಿ, ರಾಜಾಸ್ತಾನಿ ಹೀಗೆ ಅನೇಕ ಭಾಷೆಗಳನ್ನು ಆಡುವ ಜನರಿದ್ದಾರೆ.  ಹಾಗಂತ ಮುಂಬೈಅನ್ನು ಕೇಂದ್ರಾಡಳಿತ ಪ್ರದೇಶವನ್ನಾಗಿ ಮಾಡುವುದಕ್ಕೆ ಆಗತ್ತಾ? ಮುಂಬೈ ಹೆಸರನ್ನು ಬದಲಾವಣೆ ಮಾಡಕ್ಕೆ ಆಗತ್ತಾ? ಅದು ಅಗಲೂ ಬಾರದು. ಅದು ನಿಮ್ಮ ಜನರಿರುವ ತಾಣ. ನಿಮ್ಮ ಸಂಸ್ಕ್ರುತಿ, ನಿಮ್ಮ ಭಾಷೆಗೆ ಎಲ್ಲರೂ ಗೌರವವನ್ನು ಕೊಡಲೇಬೇಕು.  ಬೆಂಗಳೊರು, ಹೈದರಾಬಾದು. ಚೆನ್ನೈ,  ಡೆಲ್ಲಿ, ಕೊಲ್ಕತ್ತ ಹೀಗೆ ದೊಡ್ಡ ಊರುಗಳಲ್ಲಿ ಎಲ್ಲಾ ಭಾಷೆಗಳನ್ನು ಆಡುವ ಜನರಿರುತ್ತಾರೆ. ಇದು ಸಹಜ ಕೂಡ ಹೌದು. ಹೀಗೆ ಎಲ್ಲರೂ ಗಲಾಟೆಯನ್ನು ಮಾಡುತ್ತಾರ? ಬುದ್ದಿಇರುವವರು ಯಾರು  ಹೀಗೆ ಮಾಡುವುದಿಲ್ಲ. ನಿಮಗೆ ಗೊತ್ತಿರುವಂತೆ ಇತಿಹಾಸವನ್ನು ಕೆದಕಿ ನೋಡಿದರೆ ಇಡೀ ಮಹರಾಷ್ಟ್ರದಲ್ಲಿ ಮೊದಲು ಕನ್ನಡಭಾಷೆಯನ್ನು ಮಾತನಾಡುವವರೇ ಇದ್ದರು. ಇಡೀ ಮಹರಾಷ್ಟ್ರವು ಕನ್ನಡನಾಡಿನ ಭಾಗವಾಗಿತ್ತು.  ಇದು ಬಾಲ ಗಂಗಾಧರರ ಆಭಿಪ್ರಾಯವಾಗಿತ್ತು ನೆನಪಿರಲಿ. ಮರಾಠಿಯಲ್ಲಿ ಅನೇಕ ಕನ್ನಡ ಪದಗಳೊ ಸಹ ಇವೆ. ಈಗಲೂ ನಿಮ್ಮ ಊರಿನಲ್ಲಿ ೧ ಕೋಟಿ ಕನ್ನಡ ಮಾತನಾಡುವವರು ಸಿಗುತ್ತಾರೆ. ನಮ್ಮ ಕನ್ನಡಿಗರು ನಿಮ್ಮ ಭಾಷೆಯನ್ನು ಕಲಿತು, ನಿಮ್ಮ ಸಂಸ್ಕ್ರುತಿಯನ್ನು ನಿಮ್ಮ ಊರಿನಲ್ಲಿ ಆಚರಿಸುತ್ತಿದ್ದಾರೆ. ಅನೇಕ ವ್ಯಾಪಾರ, ವಹಿವಾಟು ಮತ್ತು ರಾಜಕೀಯದಲ್ಲೂ ಇರುವ ಸಂಗತಿ ನಿಮಗೆ ಗೊತ್ತಿಲ್ಲದ ಸಂಗತಿಯೇನಲ್ಲ. ಪ್ರತಿ ಸಾರಿ ಚುನಾವಣೆಯಾದಗಲೂ ೭-೮ ಜನ ಕನ್ನಡಿಗರು ನಿಮ್ಮ ಊರಿನಲ್ಲಿ ಆರಿಸಿಬರುತ್ತಾರೆ. ಇದೂ ಸಹ ನಿಮಗೆ ಗೊತ್ತು.  ಅದ್ರೂ ಸಹ ನೀವು ಸುಮ್ಮನಿರುವಿರಿ. ನಿಮ್ಮ ಪಕ್ಷದಲ್ಲು ನಮ್ಮ ಕನ್ನಡಿಗರಿದ್ದಾರೆ. ಅವರು ಹೀಗೆ ನಿಮ್ಮ ಊರಿನಲ್ಲಿ ಗಲಾಟೆಯನ್ನು ಮಾಡುತ್ತಿದ್ದಾರಾ ನೀವೇ ಹೇಳಿ.
ಸಮಸ್ಯೆಯ ಮೂಲ ಇರುವುದು ಇಲ್ಲಿ:
ನೀವು ಮಹಾರಾಷ್ಟ್ರದಲ್ಲಿ ಮರಾಠಿಗೆ ಏನು ತೊಂದರೆ ಅನುಭವಿಸುತ್ತಿದ್ದೀರೋ, ನಾವು ಕರ್ನಾಟಕದಲ್ಲಿ ಕನ್ನಡ ಭಾಷೆಗೆ ಅದೇ ತೊಂದರೆ ಅನುಭವಿಸುತ್ತಿದ್ದೇವೆ. ನಿಮ್ಮ ಭಾಷೆಗೆ ಕನ್ನಡಯಾವತ್ತೊ ತೊಂದರೆ ಆಗಲ್ಲ. ನಮಗೆ ಮಾರಾಠಿಯಿಂದ ತೊಂದರೆ ಆಗಲ್ಲ. ಮೊದಲು ನಾವು ಇದನ್ನು ಅರ್ಥ ಮಾಡಿಕೊಳ್ಳಬೇಕು. ನಮಗೆ ಈಗ ತೊಂದರೆ ಅಗುತ್ತಿರುವುದು ಅಂಗ್ಲ ಭಾಷೆಯಿಂದ. ಮಕ್ಕಳು ನಮ್ಮ ಭಾಷೆಯನ್ನು ಕಲಿಯುತ್ತಿಲ್ಲ. ನಾವು ನಮ್ಮ ಮಕ್ಕಳನ್ನು ಆಂಗ್ಲ ಭಾಷೆಯ ಶಾಲೆಗೆ ಸೇರುಸುತ್ತಿದ್ದೇವೆ. ಅವರಿಗೆ ನಮ್ಮ ಸಂಸ್ಕ್ರುತಿಯನ್ನು ಹೇಳಿಕೊಡುತ್ತಿಲ್ಲ. ಅವರು ಬೇರೆ ಸಂಸ್ಕ್ರುತಿಯನ್ನು ಅವರ ಜೀವನದಲ್ಲಿ ಅಳವಡಿಸಿಕೊಳ್ಳಲು ಹೊರಟಿದ್ದಾರೆ. ಇದು ಕೇವಲ ನಮ್ಮ ಎರಡು ರಾಜ್ಯಗಳ ಸಮಸ್ಯೆ ಅಲ್ಲ.  ಇದು ಈಗ ಇಡೀ ಭಾರತವನ್ನು ಹಬ್ಬುತ್ತಿದೆ. ಹಳ್ಳಿ ಹಳ್ಳಿಗಳಲ್ಲಿ ಆಂಗ್ಲ ಭಾಷೆಯ ಶಾಲೆಗಳು ಹುಟ್ಟಿಕೊಳ್ಳೂತ್ತಿವೆ. ಆ ರಾಜ್ಯಗಳ ಭಾಷೆಯ ಶಾಲೆಗಳು ಮುಚ್ಚಿಕೊಳ್ಳೂತ್ತಿವೆ. ನಿಜವಾದ ಸಮಸ್ಯೆ ಇರುವುದು ಇಲ್ಲಿ. ಈಗ ನಾವು ನೀವು ಎಲ್ಲಾರು ಸೇರಿಮಾಡಬೇಕಾದ ಕೆಲಸವೇನೆಂದರೆ ಪ್ರತಿ ರಾಜ್ಯದಲ್ಲೂ ಆ ರಾಜ್ಯಭಾಷೆಯಲ್ಲಿ ಮಕ್ಕಳಿಗೆ ಕನಿಷ್ಟ ೧೦ನೆ ತರಗತಿಯವರೆಗೂ ಶಿಕ್ಸಣ ದೊರಕುವಂತಾಗಬೇಕೆಂದು ಕಾನೂನು ರಚಿಸಿ ಅದರಂತೆ ಪ್ರತಿಯೊಬ್ಬರೂ ನಡೆದುಕೊಳ್ಳಬೇಕು. ಇಲ್ಲವಾದಲ್ಲಿ ಕನ್ನಡವೂ ಉಳಿಯುವುದಿಲ್ಲ., ಮರಾಠಿಯೂ ಊಳಿಯುವುದಿಲ್ಲ. ತೆಲುಗು, ತಮಿಳು, ಗುಜರಾತಿ, ಮಲೆಯಾಳಂ, ಹಿಂದಿಯೂ ಉಳಿಯುವುದಿಲ್ಲ ಯಾವ  ಭಾಷೆಯೂ ಉಳಿಯುವುದಿಲ್ಲ ಕಾಲಾಂತರದಲ್ಲಿ ಆಂಗ್ಲ ಭಾಷೆಯನ್ನು ಹೊರೆತುಪಡಿಸಿ.
ನಾವುಗಳು ನಮ್ಮ ನಮ್ಮ ಭಾಷೆಯನ್ನು ಈಗ ಉಳಿಸಿ ಮತ್ತು ಬೆಳಿಸಿಕೊಳ್ಳೂವ ಕಾಲ ಬಂದಿದೆ. ಎಲ್ಲಾ ರಾಜ್ಯಗಳ ಮುಖ್ಯಮಂತ್ರಿಗಳು, ಸಾಹಿತಿಗಳು, ವಿದ್ವಾಂಸರು, ಗುರು ಹಿರಿಯರು, ನಾಡಿನ ಬುದ್ದಿಜೀವಿಗಳು, ತಂದೆ ತಾಯಂದಿರು, ವಿದ್ಯಾರ್ಥಿ ವಿದ್ಯಾರ್ಥಿನಿಯರು, ಕಲಾವಿದರು, ಕಾರ್ಮಿಕರು ಮತ್ತು ಸಮಾಜದ ಎಲ್ಲಾ ನಾಗರೀಕರು ಕುಳಿತು ಯೋಚಿಸುವ ವಿಷಯವಾಗಿದೆ.
ಇಂದು ಆಂಗ್ಲಭಾಷೆ ಕಲಿಸುವ ಕಾನ್ವೆಂಟ್ ಶಾಲೆಗಳಲ್ಲಿ, ಪ್ರಾದೇಶಿಕ ಭಾಷೆಯನ್ನು ಆಡುವ ಮಕ್ಕಳು ಶಿಕ್ಷೆಗೆ ಗುರಿಯಾಗುತ್ತಿದ್ದಾರೆ. ಶಾಲೆಯಲ್ಲಿ ಹೆಣ್ಣು ಮಕ್ಕಳು ಹೂ ಮುಡಿಯುವ ಹಾಗಿಲ್ಲ, ಕುಂಕುಮ ಇಡುವ ಹಾಗಿಲ್ಲ, ಹೀಗೆ ನಮ್ಮದಲ್ಲದ ಸಂಸ್ಕ್ರುತಿಯನ್ನು ಅವರ ಪುಟ್ಟ ತಲೆಯಲ್ಲಿ ತುಂಬಲಾಗುತ್ತಿದೆ. ಇದರಲ್ಲಿ ಧಾರ್ಮಿಕ ವಿಚಾರವೂ ಕೊಡ ಕಲೆಹಾಕಿಕೊಂಡಿದೆ.  ಆ ವಿಚಾರ ಪಕ್ಕಕ್ಕಿಟ್ಟು ನೋಡಿದರೂ ಸಹ ಮಕ್ಕಳಿಗೆ ಆಂಗ್ಲಭಾಷೆ ಬಿಟ್ಟು ಬೇರೆ ಭಾಷೆ ಮಾತನಾಡಿದರೆ ಹೊಡೆಯುವುದು ಎಷ್ಟು ಸರಿ? ಈ ಮಟ್ಟಕ್ಕೆ ಆ ಶಾಲೆಗಳು ಬೆಳೆದಿವೆ ಎಂದರೆ ಅದಕ್ಕೆ ಯಾರು ಕಾರಣ? ನೀವೆ ಯೋಚಿಸಿ.  ಇದನ್ನು ಬಿಟ್ಟು ನಮ್ಮನಮ್ಮಲ್ಲೇ ಜಗಳ ತರುವಿರಲ್ಲ. ಇದು ತಮ್ಮಂತಹ ಹಿರಿಯರಿಗೆ ಶೋಭೆ ತರುವ ವಿಷಯವಲ್ಲ.
ಅಭಿಮಾನವಿರಲಿ ದುರಭಿಮಾನ ಬೇಡ:
ನಿಮಗೆ ನಮ್ಮ ಗಂಗೂಬಾಯಿ ಹಾನಗಲ್, ಭೀಮಸೇನ ಜೋಷಿ, ಅನಂತಮೂರ್ತಿ, ಕಾರ್ನಾಡ್ ಮುಂತಾದವರ ಬಗ್ಗೆ ಅಭಿಮಾನವಿರುವ ಹಾಗೆ ನಮಗೂ ಸಹ ಸಚಿನ್, ನಾನಾ ಪಾಟೇಕರ್ ಅವರ ಬಗ್ಗೆ ಖಂಡಿತಾ ಆಭಿಮಾನವಿದೆ.  ನಾವು ಇವರನ್ನು ಕನ್ನಡಿಗರು, ಮರಾಠಿಗರು ಅಂತ ಬಂಧಿಸಿಡುವುದು ತಪ್ಪು ಅಲ್ವಾ ತಾತ. ಇವರೆಲ್ಲಾ ನಮ್ಮ ಹೆಮ್ಮಯ ಭಾರತಾಂಬೆಯ ಮಕ್ಕಳು. ಇವರೆಲ್ಲಾ ಈ ದೇಶಕ್ಕೆ ಹೆಮ್ಮೆ. ಗಾಂಧೀಜಿಯವರನ್ನು ನಾವು ಗುಜರಾತಿ ಅಂತ ಒಂದು ಭಾಷೆಗೆ ಒಂದು ರಾಜ್ಯಕ್ಕೆ ಮುಡುಪಿಡುವುದಕ್ಕೆ ಆಗುತ್ತದೆಯೇ.  ನಮ್ಮ ಚಂದ್ರಶೇಖರ ಕಂಬಾರರಿಗೆ ೮ನೆಯ ಜ್ನಾನಪೀಠ ಪ್ರಶಸ್ತಿ ಬಂದಾಗೆ ನೀವುಗಳು ಅವರಿಗೆ ಸನ್ಮಾನಿಸಿ ದೊಡ್ಡವರಾಗಬಹುದ್ದಿತ್ತು.  ಆದರೆ ನೀವು ಅವರಿಗೆ ಒದ್ದು ಸೊಂಟ ಮುರಿಯಿರಿ ಅಂತ ಹೇಳುವಿರಲ್ಲ. ಇದೇನಾ ನಿಮ್ಮ ಮರಾಠಿ ಸಂಸ್ಕ್ರುತಿ.  ಇದೇನಾ ನಿಮ್ಮ ಸಭ್ಯತೆ. ಇದೇನಾ ನಿಮ್ಮ ಭಾರತೀಯತೆ. ನಮ್ಮ ಕಂಬಾರರು ಭಾರತೀಯರಲ್ಲವೇ? ಅವರೇನು ಶತ್ರು ದೇಶದಿಂದ ಬಂದು ಇಲ್ಲಿ ವಿದ್ವಂಸಕ ಕೃತ್ಯ ಮಾಡಿರುವರೇ?
ಬೆಳಗಾವಿ ನಮ್ಮದೇ, ಎಲ್ಲೂ ಹೋಗಲ್ಲ:
ಇನ್ನು ಬೆಳಗಾವಿ ಕರ್ನಾಟಕೆದಲ್ಲಿದ್ದರೆ ನಿಮಗೇನು ನಷ್ಠ. ಅದು ಭಾರತದಲ್ಲಿದೆ ತಾನೇ ಇದೆ. ಹೀಗಿ ಒಂದು ಭಾಷೆಯನ್ನು ಆಡುವ ಜನ ಜಾಸ್ತಿ ಇದ್ದ ಕಾರಣಕ್ಕೆ ಆ ಪ್ರಾಂತ್ಯವನ್ನು ಬೇರೆ ರಾಜ್ಯಕ್ಕೆ, ಬೇರೆ ದೇಶಕ್ಕೆ ಕೊಟ್ಟುಬಿಡುವುದಕ್ಕೆ ಆಗುತ್ತದೆಯೇ? ಹೀಗೆ ಆದರೆ ಮೊದಲು ನೀವು ನಿಮ್ಮ ಮಹರಾಷ್ಟ್ರವನ್ನು ಕಳೆದುಕೊಳ್ಳಬೇಕಾಗುತ್ತದೆ. ಎಚ್ಚರೆ. ಪತ್ರ ಸ್ವಲ್ಪ ದೊಡ್ಡದಾಯಿತು. ಕ್ಷಮೆ ಇರಲಿ ತಾತ. ವಂದನೆಗಳು.

ಕೀಳರಿಮೆ ಬಿಡೋಣ:

ಮೊದಲು ನಮ್ಮ ಕನ್ನಡಿಗರು ನಮ್ಮಲ್ಲಿರುವ ಕೀಳರಿಮೆಯನ್ನು ಬಿಡಬೇಕು.  ನಾವು ಯಾವುದರಲ್ಲಿಯೂ ಕಡಿಮೆಯಿಲ್ಲ ಎಂಬುದನ್ನು ಮೊದಲು ಅರಿಯಬೇಕು.  ನಮ್ಮಲ್ಲಿ ೮ ಜ್ಣಾನಪೀಠಿಗಳಿದ್ದಾರೆ.  ಇದು ಭಾರತದಲ್ಲೇ ಹಿಂದಿಯನ್ನು ಬಿಟ್ಟರೆ ಅತ್ಯಧಿಕ.  (ಹಿಂದಿ-೯, ಬೆಂಗಾಳಿ-೫, ಮಲೆಯಾಳಂ, ಉರ್ದು-೪, ಗುಜರಾತಿ, ಮರಾಠಿ, ಒರಿಯ-೩, ಅಸ್ಸಾಮಿ, ಪಂಜಾಬಿ, ತಮಿಳು-೨, ತೆಲುಗು, ಕಾಶ್ಮೀರಿ, ಕೊಂಕಿಣಿ, ಸಂಸ್ಕ್ರುತ-೧) (http://en.wikipedia.org/wiki/Kannada) ನಮಗೆ ಇನ್ನೂ ೩-೪ ಜ್ನಾನಪೀಠ ಪ್ರಶಸ್ತಿಗಳು ಬರಬೇಕಿತ್ತೆಂದು ಹಿರಿಯರು, ಕವಿಗಳು, ಜ್ನಾನಿಗಳು ಹೇಳುತ್ತಾರೆ.  (ಅಡಿಗರು,  ತೇಜಸ್ವಿಯವರು, ಡಿ.ವಿ.ಗುಂದಪ್ಪನವರು, ಪು.ತಿ.ನರಸಿಂಹಸ್ವಾಮಿಯವರು ಮತ್ತು ಬೈರಪ್ಪನವರಿಗೆ ಈಗಾಗಲೆ ಒಲಿದು ಬರಬೇಕಾಗಿತ್ತು.)  ನಮಗೆ ಮೂರಾದರೂ ಸಾಹಿತ್ಯ ನೊಬೆಲ್ ಪ್ರಶಸ್ತಿಗಳು ಬರಬೇಕಾಗಿತ್ತೆಂದು ಹೇಳುವವರಿದ್ದಾರೆ.  (ಕುವೆಂಪು ಅವರಿಗೆ, ಮಾಸ್ತಿ ಯವರಿಗೆ ಮತ್ತು ಬೇಂದ್ರೆ ಯವರಿಗೆ)  ಒಬ್ಬರು ಸರಸ್ವತಿ ಸಮ್ಮಾನ್ ಪ್ರಶಸ್ತಿ ಪುರಸೃತರು.  ೫೫ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತರಿದ್ದಾರೆ. (೧೯೫೫ ರಲ್ಲಿ ಮೊದಲ ಕೇಂದ್ರ ಸಾಹಿತ್ಯ ಪ್ರಶಸ್ತಿ ವಿಜೇತರಾದ ಕುವೆಂಪು ಅವರಿಂದ ಹಿಡಿದು ಇತ್ತೀಚಿನ ೨೦೧೧ರ ಗೋಪಾಲಕೃಷ್ಣ ಪೈ ಅವರು) ೧೯೫೭ ಮತ್ತು ೧೯೬೩ ಈ ಎರಡು ವರ್ಷ ಬಿಟ್ಟರೆ ಪ್ರತಿ ವರ್ಷವೂ ಕೇಂದ್ರ ಸಾಹಿತ್ಯ ಪ್ರಶಸ್ತಿ ನಮಗೆ ಬಂದಿದೆ.  ೩ ರಾಷ್ಟ್ರಕವಿಗಳಿದ್ದಾರೆ. (ಗೋವಿಂದ ಪೈ ಅವರು, ಕುವೆಂಪು ಅವರು, ಜಿ.ಎಸ್.ಶಿವರುದ್ರಪ್ಪನವರು)  ಇನ್ನೇನು ಬೇಕು ಸ್ನೇಹಿತರೆ.  ನಾವು ಸಾಹಿತ್ಯ ಲೋಕದಲ್ಲಿ ಭಾರತದಲ್ಲೇ ಪ್ರಥಮ ಸ್ಥಾನದಲ್ಲಿದ್ದೇವೆ.   ಇನ್ನು ಕಲೆ, ಚಲನಚಿತ್ರ, ನಾಟಕ, ರಂಗಭೂಮಿ, ವಚನ ನಾಹಿತ್ಯ, ಗಮಕ, ಜಾನಪದ ಸಾಹಿತ್ಯ, ಭಾವಗಿತೆ, ಕರ್ನಾಟಕ ಸಂಗೀತ, ಹಿಂದುಸ್ತಾನಿ ಸಂಗೀತ, ಕ್ರೀಡೆ ಯಾವುದು ಬೇಕು ಸ್ನೇಹಿತರೆ, ಎಲ್ಲಾದರಲ್ಲೂ ಇರುವ ನಾವು ಯಾವುದರಲ್ಲಿ ಕಡಿಮೆ ಇದ್ದೇವೆ ಹೇಳಿ ಆಭಿಮಾನವೊಂದನ್ನು ಬಿಟ್ಟು.  ಇಲ್ಲಿ ನಾನು ಕೆಲವೊಂದು ಮತ್ತು ಕೆಲವರ ಉದಾಹರಣೆಯನ್ನು ಮಾತ್ರ ಕೊಟ್ಟಿದ್ದೇನೆ.  ಅನ್ಯಥಾ ಭಾವಿಸಿಬೇಡಿ.  ಇವೆಲ್ಲಾ ನಮಗೆ ಗೊತ್ತಿರುವ ಸಂಗತಿ.  ಆದರೂ ನಮ್ಮಲ್ಲಿ ಕೆಲವರಿಗೆ ನಮ್ಮನ್ನು ಬೇರೆಯವರೊಂದಿಗೆ ಹೋಲಿಸಿಕೊಳ್ಳೂವುದರಲ್ಲಿಯೆ ಆನಂದ.  ಮೊದಲು ನಾವು ನಮ್ಮ ಈ ಕೀಳರಿಮೆಯನ್ನು ಬಿಟ್ಟು ಮುಂದಿನ ಯೋಚನೆಯನ್ನು ಮಾಡೋಣ. ಇಷ್ಟೆಲ್ಲಾ ಇದ್ದೂ ನಾವು ಯಾಕೆ ಹಿಂದುಳಿದ್ದೇವೆ ಎಂದರೆ ನಮ್ಮಲ್ಲಿರುವ ಅಭಿಮಾನ ಶೂನ್ಯವೇ ಎಂದು ನನ್ನ ಭಾವನೆ.  ನೀವು ಎನನ್ನುವಿರಿ ಸ್ನೇಹಿತರೆ. 

ಶುಭಾಶಯಗಳು:

ಹೊಸ ವರುಷದ ಶುಭಾಶಯಗಳು ನನ್ನ ಎಲ್ಲಾ ಕನ್ನಡ ಪ್ರೇಮಿಗಳಿಗೆ.  ನಮ್ಮ ದೇಶದ ಕಣ್ಣುಗಳಾದ ನಮ್ಮ ರೈತ ಮತ್ತು ನಮ್ಮ ಸೈನಿಕರಿಗೆ ನನ್ನ ವಿಶೇಷ ನಮನಗಳು ಮತ್ತು ಶುಭಾಶಯಗಳು. ನೀವು ಈ ದೇಶದ ಆಸ್ತಿ.  ಹೊಸ ವರುಷ ೨೦೧೨ರಲ್ಲಿ ಕಾಲಕಾಲಕ್ಕೆ ಉತ್ತಮ ಮಳೆ, ಬೆಳೆ ಯಾಗಲಿ.  ರೈತನಿಗೆ ತಾವು ಬೆಳೆದ ಬೆಳೆಗಳಿಗೆ ಉತ್ತಮ ಬೆಲೆ ಸಿಗಲಿ.  ಅವರಿಗೆ ನ್ಯಾಯವಾಗಿ ಸಿಗಬೇಕಾದ ಸಕಲ ಸೌಲಭ್ಯಗಳು ಸಿಗುವಂತಾಗಲಿ.  ಈ ದೇಶದ ಸ್ತಿತಿ ನೊಡಿ.  ತಾವು ಬೆಳೆದ ಬೆಳೆಗಳಿಗೆ ಬೇರೆಯವರು ಮೌಲ್ಯವನ್ನು ಕಟ್ಟುತ್ತಾರೆ.  ಈ  ಕೆಟ್ಟ ಪದ್ದತಿ ನಮ್ಮ ದೇಶದಿಂದ ತೊಲಗಲಿ.  ಯಾವುದೇ ಉತ್ಪಾದಕ ತಾನು ತಯಾರಿಸುವ ಉತ್ಪನ್ನಗಳಿಗೆ ತಾನೆ ಬೆಲೆ ಕಟ್ಟುತ್ತಾನೆ.  ಆದರೆ ನಮ್ಮ ರೈತನಿಗೆ ಆ ಸೌಭಾಗ್ಯವಿಲ್ಲ.  ಆ ಸೌಲಭ್ಯ ಹೊಸ ವರುಷದಲ್ಲಿ ಅವನಿಗೆ ದೊರಕುವಂತಾಗಲಿ.  ಅವನು ಸಾಲ ಕೂಪದಿಂದ ಹೊರಬರುವಂತಾಗಲಿ.  ರೈತನ ಆತ್ಮಹತ್ಯೆಯ ಸುದ್ದಿ ನಾವು ಎಂದೂ ಕೇಳದಂತಾಗಲಿ.  .
ನಮ್ಮ ಸೈನಿಕರಿಗೆ ಮತ್ತು ಅವರ ಕುಟುಂಬದವರಿಗೆ ಈ ಹೊಸ ವರ್ಷ ಸಂತೊಷವನ್ನು ಉಂಟುಮಾಡಲಿ.   ಕನ್ನಡ ಪ್ರೇಮಿಗಳ ಸಂಖ್ಯೆಹೆಚ್ಚಾಗಲಿ.  ವರುಷದ ೩೬೫ ದಿನಗಳೂ ಕನ್ನಡದಲ್ಲೆ ವ್ಯವಹರಿಸಿ ನವೆಂಬರ್ ಕನ್ನಡಿಗರು ಎಂಬ ಆಪಾದನೆಯಿಂದ ಹೊರಬರುವಂತಾಗಲಿ ನಮ್ಮ ಕನ್ನಡಿಗರು.  ಹೊಸ ವರ್ಷದಿಂದ ಕನ್ನಡದ ಮನಸ್ಸುಗಳು ಜಾಗೃತಗೊಳ್ಳಲಿ. ಕನ್ನಡ ಚಿತ್ರರಂಗ ಹೊರ ರಾಜ್ಯ/ಹೊರ ದೇಶಗಳಲ್ಲೂ ತೆರೆಕಾಣುವಂತಾಗಲಿ.  ನಮ್ಮ ನಾಟಕ, ರಂಗಭೂಮಿ, ಚಲನಚಿತ್ರ, ಜನಪದ, ಕಲೆ, ಸಾಹಿತ್ಯ, ಸಂಗೀತ  ಲೋಕಕ್ಕೆ ಒಳಿತಾಗಲಿ.  ನಮ್ಮ ಕನ್ನಡ ಕ್ರೀಡಾಪಟುಗಳು ದೇಶ ವಿದೇಶಗಲ್ಲಿ ಮಿಂಚುವಂತಾಗಲಿ.
ನಮ್ಮ ಕನ್ನಡದ ಕಂದಮ್ಮಗಳು ತಮ್ಮ ತಮ್ಮ ತಂದೆ ತಾಯಿಯರನ್ನು ಮಮ್ಮಿ, ಡ್ಯಾಡಿ ಎಂದು ಕರೆಯದೆ ಪ್ರೀತಿಯಿಂದ ಅಪ್ಪ, ಅಮ್ಮ ಎಂದು ಕರೆಯುವಂತಾಗಲಿ.  ಅಂಕಲ್, ಆಂಟಿಯರ ಬದಲಾಗಿ ಅಣ್ಣ, ಅಕ್ಕ, ಚಿಕ್ಕಪ್ಪ, ಚಿಕ್ಕಮ್ಮಗಳಾಗಲಿ.  ನಿಮ್ಮ ಮುದ್ದು ಬಾಯಿಯಿಂದ ಕನ್ನಡದ ಕತೆ, ಶಿಶು ಗೀತೆಗಳನ್ನು ಕೇಳುವ ಸೌಭಾಗ್ಯ ನಮ್ಮದಾಗಲಿ ಎಂದು ಆಶಿಸುತ್ತಾ........

ಮೊದಲ ತೊದಲ ಮಾತು

ಹಲೊ! ತಾತ, ಅಜ್ಜಿ, ದೊಡ್ಡಪ್ಪ, ದೊಡ್ಡಮ್ಮ, ಚಿಕ್ಕಪ್ಪ, ಚಿಕ್ಕಮ್ಮ, ಅತ್ತೆ, ಮಾವ, ಅಣ್ಣ, ಅಕ್ಕ ಎಲ್ಲ ಎದ್ದಿದ್ದೀರಾ? ಚೆನ್ನಾಗಿದ್ದೀರಾ? ನಾನು ಬಂದಿದ್ದೀನಿ ಗೊತ್ತಾ? ನಿನ್ನೆ ತಾನೆ ನಾನು ಹುಟ್ಟಿದೆ.  ನನಗೆ ಎನು ಹೆಸರು ಇಡಬೇಕು ಅಂತ ನಮ್ಮ ಅಪ್ಪ ತಲೆ ಕೆಡಿಸಿಕೊಳ್ತಾಇದ್ದ್ರೆ ನಮ್ಮ ಅಣ್ಣ ನನಗೆ ೨೪ * ೭ ಕನ್ನದ ಅಂತ ಹೆಸ್ರು ಇಟ್ಟುಬಿಟ್ಟ. ನಮ್ಮ ತಂದೆಗೆ ಭಾಳ ಖುಷಿ ಆಯ್ತು. ಯಾಕೆಂದರೆ ಅವರಿಗೆ ಕನ್ನಡ ಅಂದ್ರೆ ತುಂಬಾ ಇಷ್ಟ.  ನಾನು ಯಾವಾಗಲೂ ಕನ್ನಡದಲ್ಲೇ ಮಾತಾಡಲಿ ಅಂತ ನನಗೆ ೨೪ * ೭ ಕನ್ನಡ ಅಂತ ಹೆಸರು ಇಟ್ಟಿದ್ದಾರೆ ಗೊತ್ತಾ.  ನನ್ನ ಕಂಡ್ರೆ ಅವರಿಗೆ ತುಂಬಾ ಪ್ರೀತಿ.  ನಾನು ಕನ್ನದದಲ್ಲೇ ಮಾತಾಡ್ತೀನಿ.  ನೀವು ಆಷ್ಟೇ ನನ್ನ ಜೊತೆ ಕನ್ನಡದಲ್ಲೇ ಮಾತಾಡಬೇಕು.  ಇಲ್ಲಾ ಅಂದ್ರೆ ನಾನು ನಿಮ್ಮ ಜೊತೆ "ಟೂ" ಬಿಟ್ಟುಬಿಡುತ್ತೀನಿ.  ನನ್ನ ಜೊತೆ ನೀವು ಎಲ್ಲಾ ಇರ್ತೀರಾ ಅಲ್ವಾ.  ಸರಿ ನನಗೆ ನಿದ್ದೆ ಬರ್ತಿದೆ.  ಬರಲಾ, ನೀವು ನಿದ್ದೆ ಮಾದ್ಬೇಡಿ.  ನೀವು ಎನ್ ಗುರು ಕಾಫಿ ಅಯ್ತಾ (enguru.blogspot.com) ಚಿಕ್ಕಪ್ಪನ್ನ ನೋಡಿ ಮಾತಡ್ಸಿಕೊಂಡು ಬನ್ನಿ.  ನಮ್ಮ ತಂದೆ ನನಗೆ ಒಂದು ಕತೆ ಹೇಳ್ತೀನಿ ಅಂತ ಹೇಳಿತ್ತೀದ್ದಾರೆ.  ನಾನು ನಿಮಗೆ ಆದನ್ನು ನಾಳೆ ಹೆಳ್ತೀನಿ.

ಎಲ್ಲರಿಗೂ ಟಾಟ..

ಒಂದ್ಕಥೆ:

ಒ, ಆಗಲೆ ಕಥೆ ಕೇಳಕ್ಕೆ ಬಂದುಬಿಟ್ರಾ? ನೀವೆಲ್ಲಾ ತುಂಬಾ ಒಳ್ಳೆಯವರು, ಜಾಣ ಮರಿಗಳು.  ಈಗ ಕಥೆ ಹೆಳ್ಳಾ, ಅದ್ಸರಿ ನೀವು ಕಾಫಿ ಚಿಕ್ಕಪ್ಪನ್ನ ನೋಡಿದ್ರಾ? ಹೇಗಿದ್ದಾರೆ? ಎಸ್ಟೊಂದು ವಿಷ್ಯ ತಿಳ್ಕೊಂಡಿದ್ದಾರಲ್ವಾ (enguru.blogspot.com) ಅವಾಗಾವಾಗ ಅವರನ್ನು ಭೇಟಿ ಮಾಡ್ತಾ ಇರಿ ವಿಷ್ಯ ತಿಳಿದುಕೊಳ್ತಾ ಇರಿ. ಮತ್ತೆ ಇನ್ನೊಂದು ವಿಷ್ಯ ನಾನು ಕಥೆ ಹೇಳಬೇಕಾದರೆ ನೀವು ಮಧ್ಯದಲ್ಲಿ ಬಾಯಿ ಹಾಕಬಾರದು ಸರೀನಾ, ಮತ್ತೆ ಹೂ... ಹೂ... ಅಂತ ಅನ್ನಬೇಕು.  ಅನ್ನಲಿಲ್ಲಾ ಅಂದ್ರೆ ಕಥೆ ನಿಲ್ಲಿಸಿ ಬಿಡ್ತೀನಿ ಅಷ್ಟೆ.  ಅದು ತುಂಬಾ ದೊಡ್ಡ ಕಥೆ. ಅದ್ರೆ ನಾನು ಅದನ್ನು ಚಿಕ್ಕದಾಗಿ ನನಗೆ ಎಷ್ಟು ಜ್ನಾಪಕ ಇದ್ಯೊ ಅಷ್ಟು ಹೇಳ್ತೀನಿ.  ನಾನು ಪುಟ್ಟ ಪಾಪು ಅಲ್ವಾ.  ತಪ್ಪಾಗಿದ್ರೆ ಕ್ಷಮಿಸಿ ಮತ್ತೆ ಹೊ....ಹೂ.  ಅನ್ನಬೇಕು.

ನಮ್ಮ ದೇಶ ಮೊದಲು ತುಂಬಾ ದೊಡ್ಡದಾಗಿತ್ತಂತೆ.  ಅದರಲ್ಲಿ ನಾವೆಲ್ಲಾ ಒಟ್ಟಾಗಿ ವಾಸ ಮಾಡ್ತಿದ್ವಂತೆ.  ಯಾರೊ ಪರಂಗಿ ದೇಶದ ದೊಡ್ಡಪ್ಪ ಇಲ್ಲಿ ವ್ಯಾಪಾರ ಮಾಡ್ತೀವಿ ಜಾಗ ಕೊಡಿ ಅಂತ ಬಂದು ಇಲ್ಲೇ ಇದ್ದುಬಿಟ್ರಂತೆ.  ನಮ್ಮ ಹತ್ರ ಇರೊ ಹಣ, ಬಂಗಾರ ಎಲ್ಲಾ ತೆಗೆದುಕೊಂಡು ನಮ್ಮನ್ನ ಆಳುಗಳ ಥರ ನಡೆಸಿಕೊಳ್ತಾ ಇದ್ರಂತೆ.  ಆಮೇಲೆ ಗಾಂಧಿ ತಾತ ಬಂದು ನಮ್ಮ ದೇಶ ನಮಗೆ ಕೊಟ್ಟುಬಿಡಿ ಇಲ್ಲಾಂದ್ರೆ ನಾನು ಊಟ ಮಾಡಲ್ಲ ಮತ್ತು ನಮ್ಮ ಜನಾನು ಊಟ ಮಾಡಲ್ಲ ಅಂತ ಹೇಳಿ ಅವರನ್ನು ಒಡಿಸಿಬಿಟ್ರಂತೆ.  ಆವರು ಅವರ ದೇಶಕ್ಕೆ ಹೊಗೊ ಮೊದಲು ಒಂದು ಕೆಟ್ಟ ಕೆಲಸ ಮಾದಿಬಿಟ್ರಂತೆ.  ನಮ್ಮ ದೇಶನ್ನ ಭಾಗ ಮಾಡಿ ಭಾರತ ಮತ್ತು ಪಾಕಿಸ್ತಾನ ಅಂತ ಹೆಸೆರಿಟ್ಟು ಅವರವರೆ ಜಗಳ ಮಾಡಿಕೊಂಡಿರಲಿ ಅಂತ ಹೊಗ್ಬಿಟ್ರಂತೆ.  ಇವತ್ತಿಗೊ ಆ ಜಗಳ ನಿಂತಿಲ್ಲ.  ಎನು ನೀವು ಹೂ.....ಹೂ....ಅಂತಾನೆ ಇಲ್ಲಾ.  ಹೋಗಿ ನಾನು ಕಥೆ ಹೇಳಲ್ಲ.  ನಾಳೆ ಮಿಕ್ಕಿದ್ದು.  ಹೋಗೊ ಮೊದಲು ನೀವು ದೊಡ್ಡಪ್ಪಾ (www.totalkannada.com) ಗೆ ಹೋಗ್ಬಿಟ್ಟು ಬನ್ನಿ.  ಅಲ್ಲಿ ಕನ್ನಡದ ಗಡಿಯಾರ, ಕನ್ನಡದ ಪುಸ್ತಕಗಳು, ಅಡಕ ತಟ್ಟೆಗಳು ಮತ್ತೆ ಎಲ್ಲಾನೂ ಸಿಗತ್ತೆ.

ಮುಂದ....

ಅದ್ಸರಿ ನನಗೇನು ತಿಂಡಿ ತಂದ್ರಿ.  ಎನೂ ತರ್ಲಿಲ್ವ.  ನಾಳೆ ತನ್ನಿ ರವೆವುಂಡೆ.  ಸರೀನಾ.  ಆಮೇಲಾನಾಯ್ತಂತೆ ನಾವೆಲ್ಲ ಭಾರತೀಯರು ಬೇರ ಬೇರ ಭಾಷೆ ಮಾತಾಡೊರೆಲ್ಲಾ ಅವರವರದೇ ರಾಜ್ಯಗಳನ್ನು ಕಟ್ತಿಕೊಂಡ್ರಂತೆ.  ಹಾಗೆ ನಾವೂನು ಕರ್ನಾಟಕ  ರಾಜ್ಯವನ್ನು ಕಟ್ಟಿಕೊಂಡ್ವಂತೆ.  ನಮ್ಮ ಅಕ್ಕಪಕ್ಕದ ಮನೆಯವರು ನಮ್ಮನ್ನು ನಮ್ಮ ಪಾಡಿಗೆ ನಮ್ಮನ್ನು ಇರಕ್ಕೆ ಬಿಡಲ್ಲ.  ಆಂಧ್ರ, ತಮಿಳುನಾಡು, ಕೇರಳ, ಗೋವಾ  ಮನೆಗಳೂರು ಅವಾಗಾವಾಗ ಜಗಳಕ್ಕೆ ಬರತಾರಂತೆ ಹೌದಾ ತಾತ.   ನಮ್ಮ ಕಾಸರಗೋಡು ಕೇರಳಕ್ಕೆ ಸೇರಿಕೊಳ್ಳಂತೆ.  ಈಗ ಕಾಸರಗೋಡು ನಮ್ದು ಕೊಡಿ ಅಂದ್ರೆ ಕೊಡ್ತಾರಾ? ಆಗ ನಿದ್ದೆ  ಮಾಡೂದು ಸ್ವಲ್ಪ ಕಮ್ಮಿ ಮಾಡಿದ್ರೆ ನಮ್ಗೆ ಕಾಸರಗೋಡು ಉಳಿತಾಇತ್ತು ಅಲ್ವಾ ಚಿಕ್ಕಪ್ಪಾ.  ಒಂದ್ಸಲ ಕೊಟ್ರೆ ಮುಗೀತು.  ಯಾರದ್ರೂ ಒದ್ಸಲ ಕೊಟ್ಟಿದ್ದನ್ನು ವಾಪಸ್ಸು ಮಾಡಿದ್ದು ನೋಡಿದೀರಾ.  ಈಗ ಬೆಳಗಾವಿ ನಮಗೆ ಕೊಡಿ ಅಂತ ಅದ್ಯಾರೊ ಠಾಕ್ರೆ ತಾತ ಕೆಳ್ತಿದ್ದಾರಂತೆ.  ನಮ್ಗೆ ಕೊಡಿ, ಇಲ್ಲಾಂದ್ರೆ ನಾವು ನ್ಯಾಯಾಲಯಕ್ಕೆ ಹೋಗ್ತೀವಿ ಅಂತಾರಂತೆ. ನಮ್ದೆಲ್ಲಾ ಬೇರೆಯವ್ರಿಗೆ ಕೊಟ್ರೆ ನಮ್ಗೆ ಕೊನೆಗೆ ಎನು ಸಿಗತ್ತೆ ಮಣ್ಣು ಅಂತ ನಮ್ಮ ತಂದೆ ಯಾವಾಗಲೂ ಹೆಳ್ತಾ ಇರ್ತಾರೆ. ನೀವೆಲ್ಲಾ ಸೇರಿ ಬೆಳಗಾವಿ ಉಳಿಸಿಕೊಳ್ತೀರಾ ಅಲ್ವಾ ದೊಡ್ಡಪ್ಪಾ,  ಆಣೆ ಮಾಡಿ ನನ್ನ ಮೇಲೆ.  ಊಳಿಸ್ಕೊಳ್ಳೇಬೇಕು. ಇಲ್ಲಾಂದ್ರೆ ಒಂದೊಂದೆ ಹೂಗ್ತಾಇರತ್ತೆ ಅಲ್ವಾ ಅಜ್ಜಿ.  ಮೊದಲೇ ನಮ್ದು ಚಿಕ್ಕ ಮನೆ.  ಈಗ್ಬೇರೆ ಎಲ್ಲ ಊರಿಂದನೂ ಇಲ್ಲೇ ವಾಸ ಮಾಡಕ್ಕೆ, ಕೆಲಸಕ್ಕೆ, ವ್ಯಾಪಾರಕ್ಕೆ ಅಂತ ಬಂದು ಇಲ್ಲೇ ಇದ್ದುಬಿಡ್ತಾರೆ.  ಒಳ್ಳೆ ಗಾಳಿ, ಮಳೆ ಜನ ಕೂಡ ಒಳ್ಳೆಯವರು ನಮ್ಗೆ ಅವರ ಭಾಷೆ ಬರದಿದ್ರೂ ಪರ್ವಾಗಿಲ್ಲ ಅವರೆ ನಮ್ಮ ಭಾಷೆ ಕಲಿತಾರೆ.  ಕನ್ನಡದವರು ತುಂಬಾ ಒಳ್ಳೆಯವರು ಅಂತ ಹೇಳಿ ನಮ್ಮನ್ನು ಹೊಗಳಿ ಹೊಗಳಿ ಅವರ ಕೆಲಸ ಮಾಡ್ಸಿಕೊಂಡು ಇಲ್ಲಿ ಬಂದು ೧೦ ವಷ೯ವಾದರೂ ಕನ್ನಡ ಕೆಲೀದೆ ನೆಮ್ಮದಿಯಾಗಿ ಬಾಳ್ತಾರೆ ಅಲ್ವಾ ಚಿಕ್ಕಮ್ಮಾ.  ಅದಲ್ದೆ ಈ ತಮಿಳು ಚಿಕ್ಕಪ್ಪ ಚಿಕ್ಕಮ್ಮ ಯಾವಾಗಲೂ ಜಗಳ ಅಡ್ತಾರೆ ನಮ್ಗೆ ನೀರು ಕೊಡಿ ನೀರು ಕೊಡಿ ಅಂತ.  ನಮ್ಗೇ ಕುಡಿಯಕ್ಕೆ, ವ್ಯವಸಾಯಕ್ಕೆ ನೀರಿಲ್ಲ.  ಇವ್ರಿಗೆ ನಾವು ಹೇಗೆ ಕೊಡೂದು.  ಏನೊ ಒಳ್ಳೆ ಮಳೆ ಬಂದ್ರೆ ಕೊಡ್ತೀವಪ್ಪ.  ಇಲ್ಲಾಂದ್ರೆ ಹೇಗೆ ಕೊಡೂದು ಅಲ್ವಾ ಅಕ್ಕಾ.  ಅವರಿಗೆ ಯಾರು ಬುದ್ದಿ ಹೇಳ್ತಾರೊ ನಾ ಕಾಣೆ.  ಹೀಗಿದೆ ನಮ್ಮ ರಾಜ್ಯದ ಕಥೆ.  ಕನ್ನಡದ ಕಥೆ.  ಇವತ್ತಿಗೆ ಇಷ್ಟು ಸಾಕು.  ನಾಳೆ ರವೆಉಂಡೆ ತನ್ನಿ ಮರೀಬೇಡಿ.  ಸರಿ, ಎಲ್ಲಾ ಕಥೆ ಕೇಳಿಸ್ಕೊಂಡ್ರಾ? ಇಲ್ಲಾ ನಿದ್ದೆ ಮಾಡ್ಬಿಟ್ರಾ? ಮೊದಲೇ ನಿದ್ದೆ ಜಾಸ್ತಿ ನಮಗೆ.  ಎಲ್ಲರಿಗೂ  ಟಾಟ........

ಕೊನೆ ಮಾತು:

ತಾತ, ತಾತ ನಂಗೆ  ರಾತ್ರಿ ನಿದ್ದೆನೇ ಬರ್ಲಿಲ್ಲ ಗೊತ್ತಾ ಯಾಕೆ ಅಂತ ನೀವು ಕೇಳ್ಳೇಇಲ್ಲ.  ನಾನು ರಾತ್ರಿ ಮಲಗಿದ್ಮೇಲೆ ಅಪ್ಪ ಅಣ್ಣಂಗೆ ಹೆಳ್ತಾಇದ್ರು.  ಅದೆನೂ ವಿಶ್ವಸಂಸ್ಥೆ ಅಂತ ಇದ್ಯಂತಲ್ಲ  ಅದು ೨/೩ ವಷದ ಹಿಂದೆ ಒಂದು ವರದಿಯಲ್ಲಿ ಹೇಳಿದ್ಯಂತೆ ಇನ್ನು ಸುಮಾರು ೧೦೦ ವರ್ಷಗಳ   ಅಂತರದಲ್ಲಿ ಜಗತ್ತಿನ ಅನೇಕ ಭಾಷೆಗಳು ನಶಿಸಿಹೂಗತ್ತೆ ಅಂತ.  ಹೌದಾ ತಾತ, ನಾನು ಸತ್ತುಹೊಗ್ತೀನಾ ತಾತ.  ನಂಗೆ ಸಾಯಕ್ಕೆ ಇಷ್ಟ ಇಲ್ಲ ತಾತ.  ನಾನು ಇನ್ನು ಸಾವಿರಾರು ಅಲ್ಲ,  ಲಕ್ಷ ಲಕ್ಷ ವರ್ಷ  ಬದುಕಬೇಕು ಅಜ್ಜಿ. ನನ್ನ ನೀವೆಲ್ಲಾ ಉಳಿಸಿಕೊಳ್ತಿರಾ ಆಜ್ಜಿ, ತಾತ, ದೊಡ್ಡಪ್ಪ, ದೊಡ್ಡಮ್ಮಾ, ಅಕ್ಕಾ, ಅಣ್ಣಾ.  ನನ್ನ ಸಾಯಕ್ಕೆ ಮಾತ್ರಾ ಬಿಡಿಬೇಡಿ.  ನಿಮ್ಗೆಲ್ಲ ಈವಾಗ ಆ ಪರಂಗಿ ಹುಡ್ಗಿ ಮೇಲೆ ಇಷ್ಟ.  ಅವಳು ಕೆಂಪಗೆ ಬೆಳ್ಗೆ ಇದಾಳೆ ಅಂತ. ನಾನು ಸ್ವಲ್ಪ ಕಪ್ಪು.  ಅದಕ್ಕೆ ನಿಮ್ಗೆ ಈಗ ಇಷ್ಟ ಇಲ್ಲ.  ಕಪ್ಪು ಕಸ್ತೂರಿ ಅಲ್ವಾ.  ಕನ್ನಡ ಕೂಡ ಕಸ್ತೂರಿ ಅಲ್ವಾ.  ಪರಂಗಿ ಭಾಷೆ ನನ್ನ ನುಂಗಿ ನೀರು ಕುಡಿಯಲು ಬರುತ್ತಿದೆ.   ನೀವುಗಳೆಲ್ಲ ಅದರಿಂದ ನನ್ನನ್ನು ಉಳಿಸಿಕೊಳ್ಳಿ.  ನಿಮ್ಮ ಮಕ್ಕಳು, ಮೊಮ್ಮಕ್ಕಳು, ಮರಿಮೊಕ್ಳು, ಅವರ ಮರಿಮೊಕ್ಳು ಮುಮ್ಮಕ್ಳು ಹಾಗೆ ನಾನು ಎಲ್ಲರನ್ನು  ನೂಡಬೇಕು ಅಂತ ನನ್ನ ಆಸೆ ಗೊತ್ತಾ.  ಈ ಪರಂಪರೆ ಹೀಗೆ ಮುಂದುವರೆಯಬೇಕು ಇದೇ ನನ್ನ ಕೊನೆ ಮಾತು.  ನಂಗೆ ಮಾತು ಕೊಡಿ ನನ್ನನ್ನು ಉಳಿಸಿಕೊಳ್ತೀರ ಅಂತ.

ನನ್ನ ಮಾತು:

ಕೇಳಿದ್ರಲ್ಲಾ ಸ್ನೇಹಿತರೇ, ಮಗು ಹೇಳಿದ ಕೊನೆ ಮಾತು.  ಹೀಗಿದೆ ನಮ್ಮ ಕನ್ನಡದ ಪರಿಸ್ಠಿತಿ.  ನಮ್ಮ ಭಾಷೆಗೆ ಸುಮಾರು ೨,೩೦೦ ವಷಗಳ ಇತಿಹಾಸ ಇದೆ ಅಂತಾನೆ ನಾವೆಲ್ಲಾ ಮರೆತುಬಿಟ್ಟಿದ್ದೇವೆ.  ಬನ್ನಿ ಸ್ನೇಹಿತರೇ ನಾವು ನೀವು ಎಲ್ಲಾರು ಸೇರಿಕೊಂಡು ನಮ್ಮ ಕನ್ನಡವನ್ನು ಉಳಿಸಿಕೊಳ್ಳುವ ಪ್ರಯತ್ನವನ್ನು ಮಾಡೋಣ .  ನಮಗೆ ಯಾವ ಪರಭಾಷಿಕರ ಬಗ್ಗೆಯೂ ದ್ವೇಷ, ಅಸೂಯೆ, ಹೊಟ್ಟೆಕಿಚ್ಚಾಗಲಿ ಖಂಡಿತಾ ಇಲ್ಲ.  ನಾವು ನೀವು ಎಲ್ಲಾರು ಇಲ್ಲೇ  ಹುಟ್ಟಿ  ಬೆಳೆದು  ಓದಿ ವಿದ್ಯಾವಂತರಾಗಿದ್ದೇವೆ.  ಇಲ್ಲೇ  ಕೆಲಸ, ವ್ಯಾಪಾರ ವ್ಯವಹಾರ ಹೀಗೆ ಅನೇಕ ರೀತಿ ಬದುಕು ಕಟ್ಟಿಕೊಂಡಿದ್ದೇವೆ.  ಇಲ್ಲೇ ಮನೆ, ಮಠ, ಆಸ್ತಿ ಪಾಸ್ತಿ, ಹೆಂಡತಿ, ಮಕ್ಕಳು ಎಲ್ಲಾ ಗಳಿಸಿದ್ದೇವೆ.  ಅದೇ ರೀತಿ ಪರಭಾಷಿಕರು  ಇಲ್ಲಿ ಬಂದು ಬದುಕು ಕಟ್ಟಿಕೊಂಡಿದ್ದಾರೆ.  ಅವರೂ ಮನೆ, ಮಠ, ಆಸ್ತಿಪಾಸ್ತಿ, ಹೆಂಡತಿ, ಮಕ್ಕಳು ಎಲ್ಲಾ ಇಲ್ಲೇ ಮಾಡಿಕೊಂದಿದ್ದಾರೆ.  ಪರಭಾಷಿಕರೇ ನೀವು ಇಲ್ಲಿ ಎಲ್ಲಾ ಗಳಿಸಿ ಕನ್ನಡಕ್ಕೆ ದ್ರೊಹ ಭಗೀಬೇಡಿ.  ಒಂದ್ಸಲ ಯೋಚನೆ ಮಾಡಿ, ನೀವು ಮೊದಮೊದಲು ಈ ಊರಿಗೆ ಬಂದಾಗ ನಿಮಗೆ ಇಲ್ಲಿನ ಭಾಷೆ ಬರುತ್ತಿರಲಿಲ್ಲ. ಹೊಸ ಊರು, ಹೊಸ ಜಾಗ, ಹೊಸ ಜನ ಇಲ್ಲಿ ಎನು ಮಾಡಬೇಕು ಹೇಗಿರಬೇಕು ಅಂತಾನೂ ಗೊತ್ತಿರಲಿಲ್ಲ ಅಲ್ವಾ.  ಆಗ ನಮ್ಮ ಕನ್ನಡಿಗರು ಮಾಡಿದ ಸಹಾಯ ಉಪಕಾರ ಯಾವುದೂ ಮರೀಬೇಡಿ.  ನಾವು ನಿಮ್ಮ ಭಾಷೆಯಲ್ಲಿ ಮಾತಾಡಿ ನಿಮಗೆ ಮನೆ, ಪಡಿತರ ಚೀಟಿ, ಮಕ್ಕಳಿಗೆ ಶಾಲೆ, ಮಾಡಕ್ಕೆ ಒಂದು ಕೆಲಸ ಹಾಗೆ ಸಕಲ ಅನುಕೂಲಗಳನ್ನೊ ಮಾಡಿಕೊಟ್ಟಿದ್ದೇವೆ. ನಾವು ನಿಮ್ಮನ್ನ ಸ್ವಂತ ಗೆಳೆಯರಂತೆ  ಸಂಭಂಧಿಕರಂತೆ ನೋಡಿಕೊಂಡಿದ್ದೇವೆ.  ನಿಮಗೆ ಯಾವುದೇ ಅನಾನುಕೂಲಗಳಾಗದಂತೆ ನಮಗೆ ಸಾದ್ಯವಾದಷ್ಟೂ ಚೆನ್ನಾಗಿ ನೂಡಿಕೂಂಡಿದ್ದೆವೆ.  ಇದು ನಮ್ಮ ಕತವ್ಯ ಕೂಡ ಹೌದು.  ಅದೇ ರೀತಿ ನಮ್ಮ ಕನ್ನಡಿಗರಿಗೆ ನಿಮ್ಮ ಊರುಗಳಲ್ಲಿ ನೀವು ಸಹಾಯ ಮಾಡಿದ್ದೀರ, ಗೆಳೆಯರಂತೆ, ಸಂಭಂಧಿಕರಂತೆ ಕಂಡಿದ್ದೀರ.  ಇದೇ ನಮ್ಮ ಭಾರತೀಯರ ಹುಟ್ಟು ಗುಣ.  ಇದು ಇದೇ ರೀತಿ ಮುಂದುವರೆಯಲಿ.   ನೀವು ನಮ್ಮ ಭಾಷೆಯಲ್ಲಿ ಮಾತಾಡಿ, ಕನ್ನಡವನ್ನು ಚೆನ್ನಾಗಿ ಓದಕ್ಕೆ ಬರೆಯಲಿಕ್ಕೆ ಕಲಿಯಿರಿ, ನಿಮ್ಮ ಮಕ್ಕಳಿಗೆ ಮೊಮ್ಮಕ್ಕಳಿಗೆ ಕನ್ನಡ ಕಲಿಸಿ.  ನಮ್ಮ ಜೊತೆ ಕನ್ನಡದಲ್ಲಿ ವ್ಯವಹರಿಸಿ.  ನಿಮ್ಮ ಮನೆಯಲ್ಲಿ ನಿಮ್ಮ ಭಾಷೆಯಲ್ಲಿ ಮಾತಾಡಿ.  ಅನೇಕ ಕನ್ನಡ ಭಾಷಾಭಿಮಾನ ಕನ್ನಡಿಗರು, ಪರಭಾಷಿಕರು ನಮ್ಮ ಕನ್ನಡನಾಡಿಗೆ ಅನೇಕ ಕೊಡಿಗೆಗಳನ್ನು ಕೊಟ್ಟಿದ್ದಾರೆ ಅವರಿಗೆ ನಮ್ಮ ನಮನಗಳು ಮತ್ತು ಅಭಿನಂದನೆಗಳು.  ಈ ಕನ್ನಡನಾಡು ನಮಗೆ ಎಲ್ಲಾ ಕೊಟ್ಟಿದೆ.  ಈಗ ನಮ್ಮ ಸರದಿ ಅದನ್ನು ಉಳಿಸಿಕೊಳ್ಳೋಣ ಮತ್ತು ಬೆಳೆಸಿಕೊಳ್ಳೋಣ.   ನಾವೆಲ್ಲ ಒಂದಲ್ಲಾ ಒಂದು ದಿನ ಸತ್ತು ಹೋಗುತ್ತೇವೆ.  ನಾವು ಸತ್ತ ನಂತರವೂ ನಮ್ಮ ಕನ್ನಡ ಭಾಷೆ ಮತ್ತು ನಮ್ಮ ಕನ್ನಡನಾಡು ಉಳಿಯಲಿ, ಬೆಳೆಯಲಿ ಎಂದು ಆಶಿಸುತ್ತಾ............