ಲೈಫು ಇಷ್ಟೇನೆ ಚಿತ್ರದ ನಿರ್ದೇಶಕರಾದ ಪವನ್ ಕುಮಾರ್ ಒಂದು ದೊಡ್ಡ ಕನಸನ್ನು ಕಾಣುತ್ತಿದ್ದಾರೆ. ನಮ್ಮ ಎಲ್ಲಾ ಕನ್ನಡ ಚಿತ್ರಗಳನ್ನು ಆನ್ ಲೈನ್ ಮುಖಾಂತರ ಪ್ರಪಂಚದ ಮೂಲೆ ಮೂಲೆಗೂ ತಲುಪಿಸುವ ಒಂದು ದೊಡ್ಡ ಯೋಜನೆಯನ್ನು ಹಾಕಿ ಕೊಂಡಿದ್ದಾರೆ. ಇದಕ್ಕೆ ಕರ್ನಾಟಕ ಫಿಲ್ಮ್ ಚೇಂಬರ್ ಅಂಡ್ ಪ್ರೊಡ್ಯೂಸರ್ ಅಸೋಸಿಯೇಷನ್ ಅವರಿಗೆ ಎಲ್ಲಾ ಕನ್ನಡ ಚಿತ್ರಗಳು ಆನ್ ಲೈನ್ ನಲ್ಲಿ ಸಿಗುವ ಹಾಗೆ ಮಾಡಲು ಒಂದು ಅಹವಾಲನ್ನು ಕಳಿಸಲು ಒಂದು ಕಾರ್ಯಕ್ರಮವನ್ನು ಹಾಕಿಕೊಂಡಿದ್ದಾರೆ. ಅದನ್ನು ಎಲ್ಲಾ ಕನ್ನಡಿಗರು ಬೆಂಬಲಿಸಬೇಕೆಂದು ಪ್ರಾರ್ಥಿಸುತ್ತಿದ್ದಾರೆ. ಈಗಾಗಲೇ ಸುಮಾರು ೨೫೦೦ ಮಂದಿ ಆ ಅಹವಾಲಿಗೆ ತಮ್ಮ ಒಪ್ಪಿಗೆಯನ್ನು ಸೂಚಿಸಿದ್ದಾರೆ. ಅವರಿಗೆ ಸುಮಾರು ಇನ್ನೂ ೭೫೦೦ ಜನರ ಒಪ್ಪಿಗೆಯ ಅವಶ್ಯಕತೆ ಇದೆ. ಈಗ ನಿಮ್ಮ ಸರದಿ, ಇದರಲ್ಲಿ ಅವರ ಸ್ವಾರ್ಥವು ಏನೇನೋ ಇಲ್ಲ. ಕನ್ನಡ ಚಿತ್ರಗಳಿಗೆ ಒಳ್ಳೆಯ ಮಾರುಕಟ್ಟೆಯನ್ನು ಒದಗಿಸುವ ಒಂದು ಪ್ರಾಮಾಣಿಕ ಕಳಕಳಿ ಅವರಲ್ಲಿ ಇದೆ. ಇದು ಸಾಧ್ಯವಾಗಲು ಎಲ್ಲಾ ಕನ್ನಡಿಗರ ಬೆಂಬಲ ಅಗತ್ಯ ಮತ್ತು ಅನಿವಾರ್ಯ ಕೂಡ. ಕೆಲವು ಕನ್ನಡ ಚಿತ್ರಗಳು ಈಗಾಗಲೇ ಆನ್ ಲೈನ ನಲ್ಲಿ ಲಭ್ಯವಾಗಿವೆ. ಹೊರ ದೇಶದಲ್ಲಿ ನೆಲಸಿರುವ ಕನ್ನಡಿಗರು ಮತ್ತು ಇತರೆ ರಾಜ್ಯಗಳಲ್ಲಿ ನೆಲಸಿರುವ ಕನ್ನಡಿಗರಿಗೆ ತಮ್ಮ ಮನೆಯಲ್ಲೇ ಕುಳಿತು ಕನ್ನಡ ಚಿತ್ರಗಳನ್ನು ನೋಡುವ ಸೌಭಾಗ್ಯವನ್ನು ತರಲು ಹೊರಟಿರುವ ಪವನ್ ಕುಮಾರ್ ಅವರಿಗೆ ದಯವಿಟ್ಟು ಬೆಂಬಲಿಸಿ. ನಾವು ಕನ್ನಡ ಚಿತ್ರಗಳು ಕೇವಲ ಕರ್ನಾಟಕದಲ್ಲಿ ಮಾತ್ರ ಪ್ರದರ್ಶಿತವಾಗುತ್ತಿವೆ, ಬೇರೆ ಭಾಷಾ ಚಿತ್ರಗಳು ಎಲ್ಲಾ ರಾಜ್ಯಗಳಲ್ಲಿ/ದೇಶಗಳಲ್ಲಿ ಪ್ರದರ್ಶಿತವಾಗುತ್ತಿರುವುದು ಎಲ್ಲರಿಗೂ ತಿಳಿದ ವಿಷಯವೇ ಆಗಿದೆ. ಈಗ ನಮ್ಮೆಲ್ಲರ ಸರದಿ ನಮ್ಮ ಕನ್ನಡ ಚಿತ್ರಗಳ ಮಾರುಕಟ್ಟೆಯನ್ನು ಹೊರ ರಾಜ್ಯಗಳಲ್ಲಿ ಮತ್ತು ವಿದೇಶಗಳಲ್ಲಿ ಪಸರಿಸುವ ಒಂದು ಅವಕಾಶವು ಒದಗಿ ಬಂದಿದೆ. ನಾವು ಬರೀ ಮಾತನಾಡದೆ ಒಂದು ಒಳ್ಳೆಯ ಕೆಲಸಕ್ಕಾಗಿ ಅವರ ಕೈಯನ್ನು ಬಲಪಡಿಸೋಣ ಎಂದು ಆಶಿಸುತ್ತಾ….ಕನ್ನಡ ಚಿತ್ರಗಳು ಬೇರೆ ರಾಜ್ಯ/ವಿದೇಶಗಳಲ್ಲಿ ಬಿಡುಗಡೆಯಾದರೆ ನಮ್ಮ ಚಿತ್ರರಂಗಕ್ಕೆ ಹಣ ಹೆಚ್ಚು ಹರಿದು ಬರತ್ತೆ, ನಮ್ಮ ಚಿತ್ರಗಳನ್ನು ಬೇರೆ ಭಾಷಾ ಜನರೂ ನೋಡಬಹುದು ಮುಖ್ಯವಾಗಿ ಬೇರೆ ಕಡೆ ನೆಲಸಿರುವ ಕನ್ನಡಿಗರು ಕನ್ನಡ ಚಿತ್ರವನ್ನು ನೋಡಬಹುದು. ನಮ್ಮ ಚಿತ್ರರಂಗವನ್ನು ದೊಡ್ಡದಾಗಿ ಬೆಳೆಸಬಹುದು.
Venkatesh just signed this petition on Change.org.
7360 signatures are still needed!
No comments:
Post a Comment